[A:462]skya pa rnams kyi thugs dam gyi snying po gsung ngag rin po che lam 'bras tshogs bshad kyi smin grol cha lag yongs su rdzogs pa lan cig stsal ba dang / yang bdag gis gsol ba btab pa'i ngor gsung ngag rin po che lam 'bras tshogs bshad kyi smin grol cha lag yongs su rdzogs pa lan cig bka' drin chen po'i sgo nas stsal bas mtshon snga phyir chos kyi bdud rtsi rigs par stsal ba dang / gzhan yang mang du thos pa la ngoms pa med pa'i bdag nyid chen po 'dis ni gcen mkhan chen rdo rje 'chang byams pa kun dga' bstan 'dzin gyi drung nas dpal kye rdo rje man ngag lugs dang / Dombi lugs dang / mtsho skyes lugs dang / nag po lugs kyi sku gsung thugs snying po kye rdo rje rnams kyi dkyil 'khor du dbang bskur ba dang / dpal gshin rje'i gshed dmar po lha lnga'i dkyil 'khor du dbang bskur ba sngon du 'gro ba'i sgo nas shin tu spros pa med pa'i khrid yongs su rdzogs pa dang / bya rgyud gshegs rigs kyi yum du gtogs pa srung ba lha lnga bcu rtsa gcig gi dkyil 'khor du dbang bskur ba dang / kun mkhyen bsod nams seng ges mdzad pa'i sngags phyogs kyi skor bka' 'bum pusta ka bzhi dang / tshar chen chos kyi rgyal pos bsgrigs pa'i 'dod khams dbang phyug dud sol ma'i dpe bum rnams kyi lung bcas gsan pa dang / bcu phrag rig pa'i ma hA paNDi ta chen po mdo sngags bstan pa'i srog shing 'jam pa'i dbyangs mkhyen brtse'i dbang po'i drung nas/ bya ba'i rgyud de bzhin gshegs pa'i rigs kyi nang tshan gtsug tor dri ma med pa lha lnga'i dkyil 'khor du dbang bskur ba dang / rgyal bas lung gis bsngags pa'i ngor chen rdo rje 'chang chen po'i bka' 'bum pusta