[A:469]gong nas gong 'phel du 'gyur ba mdzad pa dang / mkhas pa chen po de gnyis kyang 'chad rtsod rtsom gsum gyi sgo nas sangs rgyas kyi bstan pa rin po che ni de bzhin gshegs pa bzhugs pa'i dus la 'gran pa bzhin du rgyas par mdzad pa sogs zhib par gong du gcen mkhan chen rdo rje 'chang chen po'i rnam thar du gsal ba ltar yin cing / rgyu mtshan de'i phyir na bdag cag gi dpal ldan bla ma dam pa nges pa don gyi rdo rje 'chang chen po 'di dag e wa~M pa'i bstan pa rin po che la dngos dang brgyud pa'i sgo nas dka' drin shin tu che ba yin no/ /chen por 'os pa'i yo byad kyis/ /chen po'i go sar gzengs bstod kyang / /chen po gdod nas brnyes zin pas/ /chen po chung ngus ci zhig bya/ /'on te tshur mthong 'gro 'di yi/ /yi rang padmo 'dzum pa'i slad/ /mngon mtho'i khri la zhabs bkod pas/ /phan bde'i dga' ston nyin bzhin spel/ /skyabs kun 'dus pa'i bdag nyid cher/ /sri zhu lan cig bgyis pa yang / /'dod rgu ster ba'i nor bu bzhin/ /yang srid mang por rnyed par dka'/ /gang gi rnam dkar phrin las kyis/ /'gro la phan bde rab stsol zhing / /de kun yid kyi brtan pa yang / /lhag ma med par khyod kyis 'phrogs/ /thub bstan nub kyi ri bo'i rtser/ /thun mtshams gos dmar 'dzin gyur kyang / /khyod kyi rlabs chen spyod pa yis/ /slar yang 'char ka'i nyi bzhin mdzad/ /'di na srid pa'i gdung 'phrog cing / /rnam grol bdud rtsi sbyin mkhas pa/ /rdo rje 'chang dngos kun dga'i mtshan/ /zhing khams gzhan du gshegs tshul bstan/ /kyi hud 'gro 'di'i bsod nams kyis/ /'dren pa lan cig rnyed pa de/ /rmi lam gyi ni nor bu bzhin/ /skad cig gcig la mi snang gyur/ /tshul des mgon med bdag cag gi /snying la mya ngan gyis gdungs