[A:470]pa/ /dgun dang 'phrad pa'i me tog gam/ /chu dang bral ba'i nya bzhin gyur/ /'on kyang de dang mi gnyis pa'i/ /mgon khyod 'tsho gzhes rab brtan pa/ /'di nyid kho nas bdag cag rnams/ /yid la ngal 'tsho ci yang thob/ /khyod kyi byang chub spyod mchog gis/ /mgon de'i thugs dgongs rab bskangs pa'i/ /ngo mtshar 'byams su klas pa gang / /tshangs pa'i blos kyang gzhal nus min// //spyi don lnga pa gsung las skyes pa'i bstan 'dzin gyi slob ma ji tsam byon pa'i tshul ni/ bdag cag gi dpal ldan bla ma dam pa 'dis ni tshe 'di snang gi 'jig rten chos brgyad la sogs pa'i rtog pa mtha' dag rgyang ring du dor nas/ bstan 'gro'i don kho na la dgongs te ji skad du/ blo chen rnams la zab rgya che/ /blo chung gzung bde go sla ba/ /phyi nas tshig don 'brel chags pas/ /don phra 'gal 'brel bcad cing bshad/ /ces pa ltar gdul bya rang rang gi blo dang 'tsham par chos kyi bdud rtsi ji ltar stsal ba'i tshul yang / gong du bshad pa ltar e wa~M pa'i mkhan sa zhal 'dzin gnang ba'i skabs gsung ngag rin po che tshogs bshad tshar bdun dang / de rjes tshar gnyis te bsdoms lam 'bras tshar dgu'i gtsos pa'i rje rang gis gsan pa'i chos phal che ba ngal dub la ma gzigs par stsal ba la brtan nas gsung las skyes pa'i zhal slob kyi rim pa'ang stod mnga' ris/ bar dbus gtsang / smad mdo khams rnams na mtha' yas par bzhugs shing / de rnams re re nas bgrang bar ga la nus/ mdo tsam smos na/ nyi zla ltar grags pa'i mkhas pa chen po 'dzam gling mdzes par byed pa'i rgyan gnyis te/ ris su med pa'i grub mtha' yongs kyi bstan pa'i srog shing gcig pur gyur pa bcu phrag rig pa'i ma hA paNDi ta chen po nges pa don gyi 'jam pa'i dbyangs mkhyen