[A:471]brtse'i dbang po'i zhal snga nas dang / rab 'byams sde snod rgya mtsho'i pha rol tu son zhing 'chad rtsod rtsom gsum gyi sgo nas kun mkhyen e wa~M pa chen pa'i bstan pa nyin mo ltar mdzad pa 'jam pa'i dbyangs ngag dbang legs grub bam/ mtshan gzhan ngag dbang blo gros snying po gzhan la phan pa mtha' yas pa'i 'od zer du grags pa'i zhas snga nas dang gnyis so/ /zab rgyas chos kyi 'khor lo rgyun chad med par bskor ba'i e wa~M pa'i bstan 'dzin chen po bcu ni/ gsang chen gdams pa rgya mtshos 'gro ba rnams smin grol la 'god pa phan khang mkhan rin po che kun dga' bstan pa'i blo gros pa dang / mkhyen brtse nus pa'i mnga' bdag khang gsar mkhan rin po che ngag dbang bsod nams rgyal mtshan pa dang / da lta e wa~M pa'i chos kyi khri la zhabs sen rnam par bkod pa'i rgya chen chos kyi spyan ldan khang sar mkhan rin po che 'jam dbyangs shes rab rgya mtsho pa dang / rje rang gi sku'i dbon po bdag cag gi dpal ldan bla ma dam pa rgyud sde rgya mtsho'i mnga' bdag zhabs drung rin po che 'jam dbyangs nam mkha' rgyal mtshan pa dang / lung rig smra ba'i dbang phyug klu ldings zhab drung rin po che 'jam dbyangs shes rab chos kyi rgyal mtshan pa dang / gsang chen gdams pa'i gter mdzod klu ldings zhabs drung rin po che byams pa tshul khrims phun tshogs pa dang / mkhas btsun bzang po'i gter gyur phan khang zhabs drung rin po che dpal ldan blo gros rgyal mtshan pa dang / bstan pa'i gsal byed dam pa khang gsar zhabs drung rin po che ngag dbang blo gros snying po pa dang / rje rang gi snag dbon thar rtse zhabs drung ngag gi dbang phyug 'jam dbyangs rin chen rdo rje pa dang / chos spyan yangs pa gdong tshang zhabs drung rnams so/ /che rgu mang po'i gtsug tu