[A:472]zhabs sen rnam par bkod pa'i bstan 'dzin gyi skyes bu chen po drug ni/ grub mtha' ris med kyi gtsug gi nor bu lta bur gyur pa gnas lnga rig pa'i mkhas pa chen po khro shul bla ma ngag dbang smin grol rgya mtsho pa dang / mkhas dang grub pa'i gtsug rgyan bla ma ngag dbang chos 'byor pa dang / yi dam gyi lha mang po'i bsnyen sgrub pha mthar son pa grub mchog dpal ldan phrin las pa dang / mkhas dang grub pa'i dbang phyug bla ma dge 'dun rgya mtsho pa dang / snyan brgyud gdams pa'i gter mdzod bla ma ngag dbang bzang po dang / nyams dang rtogs pa'i dbang phyug bla ma 'jam dbyangs blo gsal rnams so/ /bstan pa stobs kyis 'dzin pa'i chos skyong ba'i rgyal po ni/ mang du thos pa rgya mtsho'i pha rol tu son zhing 'chad rtsod rtsom gsum dang / stobs kyi sgo nas bstan pa 'dzin pa sde dge chos rgyal chen po tshe dbang rdo rje rig 'dzin nam/ phyis rab tu byung ba'i mtshan byams pa kun dga' sangs rgyas bstan pa'i rgyal mtshan du grags pa dang / de'i lha sras che ba chos rgyal byang chub sems dpa' dam tshig rdo rje tshe ring rnam rgyal pa dang / lha sras bar pa lung rtogs bstan pa'i snang byed byams pa kun dga' 'jam dpal phan bde'i snying po pa dang / lha sras chung ba lugs zung mkhyen pa'i spyan ras bkra ba tshe dbang rdo rje dgra 'dul ba ste bzhi dang / gzhan yang gling tshang la sogs pa rgyal rigs su gtogs pa 'ga' zhig dang / khams phyogs kyi mi chen phal che ba rje 'di'i zhabs la ma btud pa cher med pa yin no/ /mang du thos pa rgya mtsho'i pha rol tu son pa'i lung rig smra ba bdun ni/ rab 'byams sde snod rgya mtsho'i pha rol tu son zhing lung rig smra ba gzhan gyis 'gran par mi nus pa'i mkhas pa chen po rta nag thub bstan gyi mkhan rin po