[A:473]che seng ge rab rgyas pa dang / lnga rig smra ba'i dbang po zhu slob kun dga' don grub pa dang / mdo rgyud rgya mtsho'i nges gsang thugs su chud cing 'chad rtsod rtsom gsum la dbang bsgyur ba shar bla ma kun dga' dpal ldan pa dang / mdo sngags smra ba'i dbang po klog pa ba sprul sku shes rab rgya mtsho pa dang / rgya chen chos kyi spyan ldan bla ma bstan pa dar rgyas pa dang / mkhas btsun bzang po'i gter gyur bla ma phan bde bzang po pa dang / lung dang rig pa smra ba bla ma 'jam dbyangs yon tan mtha' yas rnams so/ /dgon sde so so'i mkhan po dang / slob dpon dang / chos rje dang / sprul sku'i rigs ni/ rgya chen chos kyi spyan ldan rgyal rtse gur pa mkhan po byang sems sbyin pa rin chen pa dang / bzhad thub bstan yangs can gyi slob dpon skal bzang rgya mtsho sogs dbus gtsang phyogs kyi mkhan po dang slob dpon 'ga' zhig dang / khams phyogs kyi sa dgon rnams kyi sprul sku che phra phal che ba dang / sde dge shar nub kyi bla ma rnams dang / khams phyogs kyi sa dgon phal che ba'i dgon dpon dang / slob dpon la sogs pa shin tu mang po dang / rgya chen chos kyi spyan ldan mnga' ri chos rje kun dga' 'jam dbyangs sogs bla ma chos rje'i rigs shin tu mang po dang / gzhan yang rgyud sde'i gnad shes pa/ bskyed rim gyi gsal snang thob pa/ rig sngags kyi bden tshig grub pa sogs shin tu mang bar bzhugs mod/ de thams cad la bdag dad cing gus par gyur na'ang re re nas bgrang bar ga la nus mdor bsdu ba'i dbang du byas na/ rje 'di e wa~M pa'i chos kyi khri la lo bdun bzhugs pa'i skabs/ lo re bzhin sdom pa gsum char gyi bka' drin rdzogs par nos pa'i slob ma mang dus nyis brgya lhag tsam dang / shin tu nyung ba'i dus kyang phyed nyis brgya skor 'ong bar snang bas/ de ltar na