[A:474]sdom pa gsum char gyi bka' drin rdzogs par nos pa'i zhal slob ni stong dang sum brgya skor yod par mngon la/ bka' chos kyi 'brel pa tsam thob pa'i slob ma ni bgrang ba las 'das pa yin no/ /gang gi mkhyen brtse nus pa yi/ /yon tan 'dab stong bzhad pa 'dis/ /yid kyi brtan pa ma 'phrogs pa'i/ /'di na thar 'dod skye bo su/ /de slad khyod zhabs rin chen phreng / /spyi bo'i rgyun du gus len pa'i/ /skal bzang rnams kyis gang gi gsung / /longs spyod bung bas sbrang rtsi bzhin/ /ji ltar mkha' la rgyu skar dang / /dbyar gyis bskyed pa'i rtswa ljang bzhin/ /khyod gsung bdud rtsis lus rgyas pa'i/ /mkhas dang grub pa bsam mi khyab/ /rgyas par byas so sa mos tshal/ /ri bong 'dzin pa'i 'od kyis te/ /lung dang rtogs pa'i bstan pa yang / /slob tshogs nying slob bcas pas so/ /de slad dngos dang brgyud pa yi/ /snyigs dus bstan pa spel ba'i drin/ /gal te gzugs can nyid gyur na/ /'jig rten 'di yang snod du chung // //spyi don drug pa sdom pa gsum la gces spras su mdzad cing nyams su bzhes pa la brten nas nyams rtogs ji ltar 'khrungs pa'i tshul bye brag tu bshad pa ni/ snyigs dus kyi thams cad mkhyen pa 'dzam gling byang phyogs kyi thub dbang gnyis pa lta bur gyur pa 'jam pa'i dbyangs mkhyen brtse'i dbang po'i zhal snga nas mdzad pa'i rnam thar gsol 'debs las/ tshul khrims phung por nyes pa'i skyon dang bral/ /byang chub sems gnyis bdud rtsis thugs rgyud gtams/ /gsang chen rim gnyis zab mo'i rnal 'byor dang / /nam yang 'bral ba med der gsol ba 'debs/ /zab rgyas gdams pa'i nges gsang khong chud cing / /smin grol 'chad spel phyag