[A:475]bzhes rnam par dag /rang gis ji ltar gzigs bzhin 'doms mdzad phyir/ /mkhas rnams dgyes pa skyed der gsol ba 'debs/ /rdo rje 'chang dbang rje btsun e wa~M pa'i/ /bshad dang sgrub pa'i dpal la dbang 'byor bzhin/ /ris med thub pa'i bstan dang de 'dzin la/ /dag pa'i snang ba rgyas der gsol ba 'debs/ /bla ma lhag pa'i lha yis rjes bzung zhing / /spangs dang rtogs pa'i yon tan mtha' klas kyang / /khengs dang dregs pa mtha' dag ring btang ba'i/ /rnam thar mtshungs pa med der gsol ba 'debs/ /zhes gsungs pa ltar/ spyir bdag cag gi dpal ldan bla ma dam pa gangs ri'i khrod kyi sdom brtson sde snod 'dzin pa rnams kyi gtsug gi nor bu lta bur gyur pa 'dis ni/ sde snod gsum gyi nyams su blang bya bslab pa rin po che rnams la nyams bzhes snying por mdzad pa la brten nas/ spangs pa dang rtogs pa'i yon tan bsam gyis mi khyab pa thugs rgyud la 'khrungs par gdon mi za na'ang / de dag ni sa la gnas pa'i byang chub sems dpa' chen po rnams kyis kyang brjod par dka' na/ bdag lta bu'i byis pa so so skye bo rnams kyis cha shas tsam yang shes par ga la nus/ 'on kyang bdag cag tha mal pa rnams kyi ngor ji ltar snang ba'i tshul cha shas tsam bsnyad na/ sku tshe snga ma rnams su legs byas la goms pa brtas pa'i shugs kyis sku tshe 'dir yang dang po nas rang bzhin gyis zhi zhing dul la bag dang ldan pa'i sgo nas kha na ma tho ba ci'ang mi mdzad cing / de la brten nas khu bo mkhan chen rdo rje 'chang chen pos kyang byis pa 'di shin tu btsun pa zhig 'dug ces yang yang bka' stsal pa zhig yin na/ sku nar son zhing legs par gsungs pa'i dam pa'i chos 'dul