[A:477]med pa dang / skyabs med pa dang / dbul zhing phongs pa dang / nad dang sdug bsngal drag pos gzir ba rnams la lhag par yang mi bzod pa'i snying rje chen pos zas dang gos la sogs pa lhug par stsol ba dang / 'dir snang gi bya ba la mngon par zhen pa'i yid dri ma can du gyur pa rnams la'ang lhag par brtse ba'i sgo nas de dag chos la zhugs pa'i thabs 'ba' zhig mdzad pa dang / gzhan yang rang 'dod kyi 'khri ba gtan nas med cing 'jig rten chos brgyad mgo snyoms pa'i stobs kyis gzhan dag gis 'bul ba dang zhabs tog shin tu che bar byas kyang de la ha cang thugs dges pa'ang med cing / ma byas kyang mi dges pa gtan nas med pa dang / zang zing gi dngos po rnams kyang gong du bshad pa ltar bla ma dang dkon mchog mchod pa dang dge 'dun la bsnyen bkur ba dang / ngan slong la sbyin pa rnams su phongs pa med par gtong ba las/ rang don du mngon par zhen pa cung zad kyang mi mnga' ba dang / 'jig rten gyi sde dpon la sogs pa'i chen po su la'ang ngo srung dang / mthun 'jug rigs gtan nas mi mdzad pa dang / khyad par tshe 'di snang gi bya gzhag rigs la gting nas mi dges shing / zhal nas kyang / sngon nged kyi khu bo mkhan chen rdo rje 'chang chen po'i gsung las/ tshe 'di snang gi bya byed mang po 'dis bla ma la thugs dam mi yong / bu slob rnams la dpe cha mi yong ba'i gzhi yin pas dgos nges can re re tsam las bya byed mang po mi bya zhes yang yang bka' stsal pa yin cing / don la'ang tshe 'di snang gi dgos med kyi bya byed mang po 'dis rang gzhan thams cad sdug bsngal la sbyor ba'i rgyu kho na las ma 'das pa yin ces gsungs shing / rje rang nyid kyis kyang sku gsung thugs