[A:487]mthar phyin pa yin/ de bas lhag bsdad kyang yar langs mi thub/ mar sdod mi thub/ phar 'gro mi thub pa sogs dmigs bsal rang gis rang la sdug gtad pa kho na las med/ ces rgyun du yang yang bka' stsal bar phal cher ni btang snyoms ngang nas ci'ang mi sems/ la las ni 'di rtag tu rang bka' stsal zhes sun pa'i rnam pa'ang byed/ khyad par dgung grangs don bzhir phebs pa chu khyi lor/ mkhan chen rdo rje 'chang byams pa kun dga' bstan 'dzin zhi bar gshegs pa'i dgongs rdzogs sgrub pa'i skabs rnams su'ang / da mkhan bgres rin po che ni zhi bar gshegs song / ban rgan nga yang da lo dang da gzod gnyis bsdad/ sang phod byi lo la ni 'gro ran pa yin ces bdag la'ang yang yang bka' stsal zhing / gzhan rnams la'ang yang yang bka' stsal 'dug pas/ phal che bas ni dus rgyun gyi bka' de lta bu yin snyam pa 'dra zhig las ci yang mi sems/ log rtog can la las ni/ 'di 'dra rang gi bka' gsal drags na nam phug mis 'phyas yong zer ba 'dra'ang mchis/ dad pa can bsam yod 'ga' res ni rje 'dis nga la 'di ltar bka' stsal byung bas da legs po rang 'ong rgyu min pa 'dra zhes blo mi bde ba byed mkhan kyang mchis/ bdag gis rje rang la zhabs brtan 'dra bsgrubs na legs rgyu min nam/ mnal ltas la sogs pa ngan pa 'dra'ang med dam zhus pas/ da na so rgas drags pas zer ba yin/ gzhan rmi ltas ngan pa sogs ci'ang med/ zhabs brtan ni dge ba 'dra ci 'grub byed pa 'di yin mod/ de las dmigs bsal gyi zhabs brtan dgos kyang mi dgos/ dus la bab na zhabs brtan gyis kyang phan pa med ces bka' stsal/ sku gzugs ni dgung grangs don bzhi pa dang / don lnga pa'i zla ba drug pa phan la dus