[A:488]rgyun las bde ba ltar snang zhing / mkhan chen rdo rje 'chang khu dbon gyi dus chen bla mchod la sogs pa dang / gzhan yang kun rig dang / sgrol ma maNDal bzhi chog sogs mdzad cing de dag gi tshogs dbur phebs pa dang / khyad par sde dge chos rgyal chen po'i bstan srid la nyag dgras gnod cing 'tshe bar gyur pa la shin tu thugs khral che bar mdzad cing / de la phan pa'i slad du mgon khang khag rnams su skong ba dang / lha khang khag rnams su yan lag bdun pa'i cho ga la sogs pa mdzad cing / de dag gi tshogs dbur phebs pa dang / dgung grangs don lngar phebs pa chu mo phag gi lor/ 'di lo dpyid ka mtshar mtshar bgyis te chu tshan zhig la 'gro/ de'ang mang mkhar du phyin na zhor du phun tshogs gling la sogs pa'i gnas khyad par can 'dra'ang mjal bar 'dug ces bka' phebs na'ang / dbon mdzod mchog nas mang mkhar sa thag ring bas phebs mi nyan tshul zhus song bas mang mkhar du phebs gru ma song yang / lo de'i hor zla gsum pa'i mjug tsha rong chu tshan du phebs/ de zhor dpal gling du'ang phebs te tshe dbang sogs 'dod chos rnams stsal/ ri khrus khyim khrus lha bsang sogs mdzad pas dpal gling du 'ja' zug pa sogs ngo mtshar ba'i ltas kyang 'ga' zhig byung zhes thams cad kyis gleng / slar hor zla bzhi pa'i nang ngor du phebs/ de nas bzung zla ba drug pa'i tshes gnam gang bar sku khams dwangs bzhugs yin la/ gnam stong gi nyin snga dro shing tog phran bu zhig kyang gsol ba dang / phyi dro 'bri zho zhig kyang cung zad gsol song bas rkyen byas pa yin nam/ de'i phyi nyin zla ba bdun pa'i tshes gcig gi snga dro nas bzung glo bur du sku grang lta bu'i bsnyun tshul tshabs cher bzhes pa dang / de dang lhan cig skyigs bu'ang nyin mtshan bar ma chad par mdzad snang bas/ bdag cag ci