[A:495] bla ma'i thugs rje dang byin rlabs la nye ring med pa kho na rgyun mtshan du byas nas rang gis rang la sems bso bgyi ba dang / rje rang la gsol ba rtse gcig 'debs pa las gzhan pa'i thabs zad cing / zhi bar gshegs ma thag nas bzung thugs dam ma grol gyi bar du/ bla ma bstan pa dar rgyas kyi gtsos dge slong bzhis rje nyid kyis dus rgyun du gsungs pa'i yi dam lha'i mngon rtogs rnams dang / gtor bsngo dang bcas pa nyin re bzhin thun gnyis su bcad nas nyams su blangs pa dang / thugs dam gyi skabs sku'i gzi mdangs dus rgyun pas legs shing / sku sha dkar ba dang / zhal ras kyi ngos su gnyer ma'ang cher med pa'i gzhon sha chags par mchis/ zla ba de'i tshes bcu gsum gyi nub mo da rang thugs dam las grol med dam snyam pa 'dra zhig sems la shar te sku gdung rin po che mjal bas de mu ltar mchis/ nam mkha' la yang yang bltas pas 'ja' sprin dkar po shas che ba'i kha dog lnga ldan gyi 'ja' sprin 'dra mang po shar song / de nub spong ba pa kun bsod lags kyi rmi lam du'ang / lha'i bu dang bu mo mchod rdzas thogs pa bsam gyis mi khyab pa zhig e wa~M bla brang gzhung gi rgyab nas bskor te phar nub phyogs su song / ci yin dris pas/ mkhan chen rdo rjai 'chang rnal 'byor 'jam dpal bzang po dag pa'i zhing khams su phebs pa yin zer/ 'o na nga'ang bla ma mjal du 'gro snyam phyin pas thar rtse nub sgo dang nye bar slebs/ de na mi nag po 'jigs su rung ba zhig 'gro yin 'dug pa kun bsod la phyi mig cig bltas nas/ khyod da bla ma mjal mos par 'dug te da nangs mkha' spyod la phebs song / de'ang thog mar nub phyogs bde ba can na ngor chen rdo rje 'chang bzhugs 'dug pas de'i drung du phebs song / nga'ang phebs skyel du phyin pa yin zer thar rtse'i nub sgo'i nang du yar thal gyis