[A:509]dngul thag can dang / gser Dar dngul shan ma/ rol mo cha/ mdzod gos dmar ser gyis shan pa'i sku sbyar me long ma/ srab ther gyi chos gos/ le na'i sku gzan/ zhabs lhwam 'ja' chen/ nam thong phyar ba/ ja 'khor drug gnyis/ 'bras do sogs phul ba dang / bla ma bstan par nang gos kyi stod rtse dang / ja sbag gnyis sogs phul ba dang / de bying thams cad la'ang rnam gzhag dang yon 'bul la sogs pa shin tu zab par bgyis so/ /de nas mchod pa dang bcas te zhag bdun song ba'i mthar gdung khang zhal phye ba na/ gdung rus ni mkhan chen rdo rje 'chang byams pa kun dga' bstan 'dzin gyi skabs ltar nyung tsam zhig las ma mchis so/ /de'i rjes su rgyud sde rnams nas ji ltar bshad pa bzhin gyis gdung rus rnams btus te dpal kye rdo rje'i sgo nas bsgrubs pa'i bum chus sku khrus gsol ba dang / dpal kun rig gi rtsa rig 'bum phrag 'gro nges bgyis pa'i bum chus yang yang sku khrus gsol zhing / slar gdung rus rnams zhib par btags te rin po che'i phye ma dang / dri zhim po'i chus sprus pa'i 'jim pa gtsang ma dang lhan cig tu bsres te/ 'jim pa byin rlabs sngon du 'gro bas bla ma yi dam sangs rgyas byang sems chos srung nor lha dang bcas pa'i sku 'dra mang du spar btab cing de rnams la'ang rab tu gnas pa brgya tshar 'gro nges bgyis pa dang / yang gdung thal rnams la'ang gdung rus shin tu zhib pa phran bu 'dres snang bas de dag kyang shin tu zhib par btags shing dri zhim po'i chus sprus pa'i 'jim pa dang bsres te/ 'jim pa byin rlabs sngon du 'gro ba'i sgo nas rigs lnga'i sa bon dang / gtsug tor dri med kyi gzungs dang / rten 'brel snying po bcas kyi gzungs gzhug dang ldan pa'i sAtstsha khri phrag brgyad lhag tsam bzhengs shing / de thams cad la'ang rab tu gnas pa bgyis pa