[A:510]dang / khyad par lo de'i hor zla brgyad pa'i nang phyi rten khang bu brtsegs pa'i mchon rten bzhengs par/ thog mar sa chog mdor bsdus dang / sa bdag lto 'phye'i thig dang / gter bum gzhug pa sogs sngon du 'gro bas mchod rten gyi phyags tshad rnams ngor chen rdo rje 'chang yab sras kyi bzhed pa ji lta ba bzhin du bgyis pa dang / de'i nang du'ang mtshan nyid dang ldan pa'i srog shing la ji skad bshad pa ltar gyi gzungs gzhug pa dang / 'bri ba sogs dang / khyad par bla ma brgyud pa'i mtshan 'bum nas bzung / chos srung nor lha dang bkra shis kyi bar thams cad kyi go rim ma 'phyugs pa gong ma'i phyag len ji lta ba bzhin dang / 'og tu gnod sbyin 'khor lo dang nor lha'i gter bum bcas dang / khyad par sAtstsha rnams kyang yongs su rdzogs pa bzhugs su gsol zhing / de dag kyang sa rdo spungs pa lta bu ma yin par re re nas pad spungs mchod rten shar du bstan te bsgrigs pa dang / star re bsgrigs tshar ba'i rjes su sAtstsha rab gnas mdor bsdus re'ang bgyis pa dang / de dag gi bar thams cad kyang gsang dang shug phye kho nas bkang ba sogs mdor na tshul bzhin du bzhengs pa'i mchod rten la dge slong bcus tshe dpag tu med pa la brten pa'i rab tu gnas pa bgyis pa dang / yang hor zla lnga pa'i mjug nas bzung ste rta nag lha bris pas gtsug lag khang du bsham rgyu'i dus thang rin po che che legs shin tu sgros gtsang ba zla ba gsum dang zhag lnga'i bar du bzhengs te/ gong gsham zhal khebs sogs kyang phun sum tshogs par bgyis pa dang / yang rtse gdong nas bzo rig mkhas pa mi bzhi bos te hor zla dgu pa'i tshes brgyad nas bzung / nang rten 'dra sku rin po che gser zangs las grub pa sku dngos mda' tshad tsam khri rgyab dang bcas pa dang / rin chen gnyis pa 'degs srang brgyad cu las grub pa'i padma spungs pa'i mchod rten mda' tshad tsam pa la rin po che du ma'i phras