[A:515]'jug ting 'dzin ro/ /zhag gsum bar du rnam par myangs/ /de nas mtha' gnyis spangs pa yi/ /grub pa'i dge mtshan brnyes bzhin du/ /rgyal ba sras dang bcas pa dang / /lhan cig mchog gi grong du gshegs/ /kye ma blang dor ston byed pa'i/ /smra ba'i nyi ma nub gyur pas/ /gangs ljongs 'gro 'di gling bar gyi/ /mun pa'i nang du lhung ba bzhin/ /kyi hud 'khor ba'i nad 'phrog pa'i/ /chos kyi sman pa de bshegs pas/ /srid pa'i zug rngus mnar ba yi/ /gangs can 'gro 'di mgon med gyur/ /ma la rin chen snang ba dang / /nyi zla'i 'od kyis mi sel ba'i/ /bzod du med pa'i mya ngan gyi/ /mun pa che 'di su yis byas / /kyi hud glang pos chu skyes rnams/ /bcom pa'i padmo'i rdzing bzhin du/ /mya ngan me lces yid bsregs pa'i/ /bdag cag gdung ba ngan song bzhin/ /mgon khyod gzod nas 'gro ba la/ /phan pa sgrub par dam bcas rdzun/ /gzhan du khyod la brten pa yi/ /mya ngan khur 'di ga las 'ong / /ngo mtshar sgyu ma'i tshon ris kyis/ /skal bzang spro ba skyed bsrings kyang / /mgon bral bdag cag rnams kyi snying / /lhag par mya ngan tsher mas gdungs/ /'on kyang 'khor 'das chos thams cad/ /sems kyi cho 'phrul yin zhes gsungs/ /de phyir dam pa'i don nyid du/ /gshegs bzhugs 'du 'bral yod ma yin/ /don 'di bdag cag rnams kyi yid/ /dbugs 'byin stsol ba'i sman gyi mchog /'khrul pa gcod pa'i stwa re dang / /byin rlabs 'gugs pa'i pho nya'ang yin/ /yid bzhin nor dang dpag bsam gyi/ /khengs pa'i ri bo snyil byed pa'i/ /'gro 'di'i bsod nams zhing mchog tu/ /bzhag pa'i sku gdung rin po cher/ /rgyal ba 'gro la phan mdzad kyis/ /rgyud du ji skad gsungs pa