[A:516]ltar/ /sri zhu'i bya ba thams cad kyang / /tshogs gnyis rdzogs pa'i slad du bsgrubs/ /gangs can skye rgu'i bsod nams kyis/ /mgron du nye bar khug pa yi/ /dbus gtsang ljongs kyi rten gsum dang / /bla ma dge 'dun bcas rnams la/ /mchod dang bsnyen bkur bstabs pa yi/ /bsod nams zla shes gzhon nu'i 'od/ /sngon bsags sdig pa'i mun pa rnams/ /zil gyis gnon la chas pa bzhin/ /dad pa'i nor gyis rgyud phyug pa'i/ /skal bzang thar par chas rnams kyis/ /bsod nams gsog pa'i zhing mchog tu/ /ngo mtshar 'bar ba'i rten rnams bzhengs/ /'bad rtsol med par yid bzhin du/ /rjes kyi bya ba kun 'grub pa/ /mgon khyod byin rlabs mthu kho nar/ /nges pa'i ka ba snying la tshugs/ /tshur mthong gdul bya 'dul ba'i slad/ /mdzad pa'i tha ma 'di bstan yang / /don dam 'khor ba ma stong bar/ /de srid 'gro don rgyun mi 'chad/ /phyogs 'di'i mgon med gdul bya la/ /rjes brtse'i shing rtas nyer drangs te/ /sprul pa'i zla gzhon myur shar nas/ /phan bde'i ku mud rgyas par mdzod/ /sngon byon rgyal ba thams cad kyis/ /bsgral bar ma nus bdag lta bu'i/ /'gro rnams deng nas byang chub bar/ /khyod kyis rjes su 'dzin gyur cig /de mthus tshe rabs thams cad du/ /yongs rdzogs bstan pa'i sgor zhugs shing / /byang chub spyod mchog rgya mtsho yis/ /don gnyis myur du 'grub par shog/ //de ltar dzam bu'i rkang 'thung gis nye bar mtshan pa'i ljongs 'dir phan bde'i nyi ma gsar du 'char ba'i slad du bsam bzhin du sku'i skye ba bzhes pa bdag cag gi dpal ldan bla ma dam pa grub pa'i 'khor los sgyur ba mkhan chen rdo rje 'chang rnal 'byor 'jam dpal bzang po'i zhal snga nas kyi rtogs pa brjod pa so so skye bo'i blo yi spyod yul du gyur pa rnams re zhig