[A:405]nas yar byon nas lo shas zhig nas ngor gyi mkhan po byed dgos par 'dug /de nas kyang khams phyogs 'dir da dung lan cig 'byon dgos par 'dug /de thams cad la bar chad med cing bstan 'gror phan thogs par 'ong gsungs pa dang / rje 'dis bdag la spangs rtogs kyi yon tan ci'ang med bzhin du mkhan po byas pas ga la 'ong zhes gsol ba na/ khyed rang kun spyod thams cad da lta'i 'di bzhin du gyis dang / mkhan po mi yong ba ci'ang med/ da lta'i ngor pa'i zhabs drung thams cad kyi nang nas khyed rang drag shos su 'dug gsungs pa dang / nged kyi yi dam gyi lha bcu gnyis po de rab gser zangs las grub pa/ 'bring sman 'dam las grub pa/ tha ma bris sku re nges par bzhengs dgos/ gzhan nga la 'dra sku dang gdung rten bzhengs mi dgos/ nga yi rus pa rnams sa gtsang sa zhig tu bskyal bas chog gsungs pa sogs zhal ta mthil phyin par gnang / de'i phyi nyin yang lhag tu sku khams ngan du song ba ma mchis mod/ gdul bya rtag 'dzin can rnams chos la bskul ba'i phyir du de nub zla ba dang po 'char ba dang mnyam du gzugs sku'i bkod pa chos kyi dbyings su bsdus par gyur to/ /de nas zhag brgyad bar thugs dam la bzhugs shing / zla ba de'i tshes nyer brgyad kyi nub mo rje 'di'i mnal lam du/ khu bo mkhan chen rdo rje 'chang chen po de nyid byon nas da nged thugs dam las grol ba yin no gsungs par brten/ de'i phyi nyin sku gdung rin po cher cho ga rnam par dag pa'i sgo nas bsgrubs pa'i bum chus sku khrus yang yang gsol zhing / dri bzang po dang / sman sna tshogs kyi lde gus byugs pa dang / ras ser pos legs par dkris shing dbu rgyan dang / lha rdzas kyi na bzas mdzes par bklubs te/ gdung sgrom gyi khri'i steng du mchod pa'i bye brag dpag tu