[A:406]med pa dang bcas bzhugs su gsol zhing / de nas mkhas dbang kun dga' don grub ba dang / gdong dgon bla ma bstan 'dzin phun tshogs pa la sogs pa'i dge slong bcu phrag gcig gis dpal kye rdo rje'i dkyil 'khor bzhengs te sgrub cing mchod pa dang / yang dge slong nyi shu tsam gyis bcom ldan 'das kun rig rnam par snang mdzad kyi dkyil 'khor bzhengs te sgrub cing mchod pa sogs mdzad pa dang / khyad par hor zla gnyis pa'i yar ngo'i tshes drug gi nyin klu ldings zhabs drung rin po che ngag dbang bstan pa'i rgyal mtshan gyi gtsos pa'i dge slong bcu phrag gcig gis dpal kye rdo rje la brten pa'i dus tha ma'i cho ga'i sgo nas zhugs phul ba dang / grub mchog ngag dbang rin chen gyi gtsos pa'i dge 'dun mang rab cig gis kun rig la brten pa'i sbyin sreg gi mchod pa phul bar mdzad cing / de nas kyang yun ring po'i bar du dge slong bcu phrag gcig gis dpal kye rdo rje'i sgrub mchod dang / dge slong nyi shu skor gyis kun rig gi sgrub mchod zhag zhe dgu'i bar ma chag pa dang / bdun re re'i steng du'ang lhun grub steng gi shar nub kyi bla ma gnyis dang / zhu dag sprul sku dang / rong po bla ma dang / rdo rje 'dzin pa ngag dbang chos 'byor dang / gling mgo zi dgon du bzhugs pa'i khang sar zhabs drung rin po che ngag dbang blo gros rgyal mtshan pa rnams spyan drangs te dge slong sum cu skor gyis kun rig gi sgrub mchod rgyas par mdzad pa dang / lhun grub steng du bzhugs pa'i bla ma yod rigs thams cad la'ang bsngo smon gyi rten shin tu zab pa dang / dgon par kun rig gi cho ga nyin grangs kha shas dang / gzhan yang sde dge'i mnga' zhabs kyi sa dgon yod do cog la bsnyen bkur dang / gral 'gyed la sogs pa shin tu gya nom pa dang / dpal spungs/ rdzogs chen/ bye chen/ kaHthog /dpal yul la sogs pa'i ris su med pa'i bla ma che gras rnams su rgya dngul srang lnga bcu re'i mgo