[A:422]chen rin po che ngag dbang kun dga' bkra shis mthu stobs bstan 'dzin bzang po'i gser snyan rin po cher gsol ba na/ des kyang stobs kyi 'khor los sgyur ba gzhung sa dga' ldan pho brang ba chen por snyan spron phul te/ de dag nas kyang khyod kyis bstan pa dang sems can gyi don du snying stobs ches cher bskyed de/ kun mkhyen e wa~M pa chen po'i bstan pa'i khur chen po khyed la spyi dang bye brag gi bstan pa rin po che dbyar gyi mtsho bzhin du spel ba dang / 'os su gyur pa'i gdul bya rnams kyang smin grol la bkod cig ces pa'i bka' stsal gser gyi phreng ba dbyar gyi gru char bzhin du bsnyil ba dang / der ma zad khang sar zhabs drung rin po che ngag dbang blo gros bstan 'dzin ni de skabs gling mgo zi dgon du bzhugs pa dang / klu ldings zhabs drung rin po che'ang sde dger phebs par brten/ gzhan mkhan por 'os pa su'ang med gshis re zhig mkhan po zhal bzhes mi mdzad thabs med du gyur te/ snyigs ma'i sems can mi srun pa'i spyod pa rlung dmar ltar 'tshubs pa'i nang 'dir bstan pa dang sems can la ci nus kyis phan gdags par bzhed de/ lo de'i hor zla bcu gcig pa mgo zla'i dkar phyogs kyi gral tshes bco lnga'i nyin yon tan rin po che du ma'i 'byung gnas dpal e wa~M chos ldan gyi gtsug lag khang chen por bsu ba'i bkod pa lta bas chog mi shes pa'i tshogs dang bcas pas byon te/ lha dang mi dang lha ma yin dang / gnod sbyin dang dri za dang grul bum la sogs pa thams cad kyi ral pa'i thor tshugs anda rnyil gyi mdog lta bus lan cig ma yin par btud pa'i mi 'jigs gdong lngas bteg pa'i chos kyi khri 'phang 'thon po ga la bar/ zhabs kyi chu skyes dmar po rnam par bkod de ji ltar gser gyi lhun po gur gum gyi char pas lan brgya stong du bkrus pa la/ slar yang 'char ka'i nyi