[A:437]rtsi'ang ci rigs par stsal ba dang / mdo khams su phebs rgyu'i nyer bsdogs rnams kyang ji ltar 'os par brtsams te/ dgung grangs nga lngar son pa mdzes byed ces pa chu yos kyi lo'i hor zla gsum pa'i nang gangs ljongs bsod nams kyi mgron du khugs pa'i chos grwa chen po dpal ldan sa skyar phebs/ der bzhugs pa'i bdag chen 'jam pa'i dbyangs sku ngo khag rnams kyi gser zhal rin po che mjal ba dang chabs cig 'bul ba'i dngos po ci rigs par phul ba dang / ye shes pa mngon sum du bzhugs pa'i rten gsum byin rlabs kyi gzi 'od 'bar ba rnams su mchod 'bul dang / sprus pa'i lha khang chen mor 'dus tshogs su mang jas bsnyen bkur ba bcas mdzad nas e wa~M du phebs/ der yang lha khang khag rnams su mchod 'bul dang / chos srung rnams la skong ba dang / yul lhar bsang mchod la sogs pa skabs su bab pa'i rim gro'i rigs kyang rgya che bar mdzad de/ lo de'i hor zla lnga pa'i dkar phyogs kyi rgyal ba dang po'i nyin mchog sprul rin po che 'jam dbyangs mkhyen brtse dang bcas ston 'khor lhan cig tu sngon bcom ldan 'das la 'khor dgra bcom pa rnams kyis bskor te ljongs rgyu ba bzhin du spyi dang bye brag gi chibs skyel gyi tshogs shin tu rgya che ba dang bcas te e wa~M nas chibs bteg /mar lam chos grwa chen po bkra shis lhun por phebs/ /paN chen thams cad mkhyen pa rje btsun blo bzang dpal ldan bstan pa'i nyi ma gser zhal rin po che mjal ba dang / rten gsum yongs la mchod 'bul sogs mdzad de rim gyis lha ldan du phebs/ 'phags mchog phyag na padmo'i rnam 'phrul rgyal dbang thams cad mkhyen pa mkhas grub rgya mtsho dang / srid skyong tshe smon gling pa sogs