[A:443] dam pa'i chos la 'babs pa dang / dge 'dun la bzhag par mdzad de ston mchog thub pa'i dbang po'i bstan pa rin po che nyi 'od kyis phyes pa'i padmo bzhin du rnam par rgyas par mdzad do/ /gzhan yang bdag nyin chen po 'dis ni spangs pa dang rtogs pa'i yon tan thams cad bum nang gi mar me bzhin rnam pa kun tu sba bar mdzad pa ma gtogs/ don la grub pa'i go 'phang mthon por gshegs shing / stobs dang rdzu 'phrul thams cad kyang 'phags yul gyi grub pa'i slob dpon chen po rnams dang khyad par cung zad kyang med par mngon te/ rgyu mtshan ci'i phyir zhe na/ rje 'di dgung grangs nga drug tu phebs pa'i shing pho 'brug gi lor smad shod gdong sna bla brang gis gdan drangs te smad shod du tshar dang po phebs pa'i skabs tshur lam hag la shug rtsibs zer ba der sku bsangs zhig mdzad zhor du/ shin tu sra zhing mkhregs pa'i rdo'i ngos su 'jim pa la bris pa bzhin du phyag sen gyis ma Ni bri bar mdzad pa'i rjes shin tu gsal ba deng sang thams cad kyis mig gis mngon sum du mjal du yod pa de yin la/ de rjes thams cad kyis 'di lta bu'i rdzu 'phrul bstan pa ngo mtshar che zhes rje nyid la gsol ba na/ nga la de lta bu nus pa'i stobs dang rdzu 'phrul ci'ang med ces gsungs shing yon tan thams cad sba bar mdzad par snang na'ang skye bo thams cad la mngon sum tshad mas grub pa yin no/ /gzhan yang sde gzhung dang / go 'jo sogs nas gdan 'dren zhu mi 'byor yang de dag tu ma phebs par gtso bor sde dge lhun grub steng gi phan bde kun khyab gling gi bla brang rang du bzhugs/ sga stod du phebs skabs ma gtogs lo re bzhin dgon de'i drug cu dang / 'du ba chen mo zhes