[A:444]pa ngor lugs dkyil 'khor bdun gyi sgrub mchod tshogs pa'i dbu bzhugs su rtag par phebs/ rgyun tu chos rgyal chen po sku mched rnams kyi thugs bzhed ltar gyi bka' chos rnams 'bul ba dang / sku'i 'ga' rkyen zhi zhing legs tshogs gong 'phel du 'gyur ba'i sku rim gyi rigs sgrub pa dang / dad pa can gzhan dag gis kyang gsol ba btab pa'i ngor gsang sngags rdo rje theg pa'i bya ba dang / spyod pa dang / rnal 'byor dang / rnal 'byor chen po bla na med pa'i rgyud sde rnams dang rjes su 'brel ba'i dbang bskur ba dang / rjes su gnang ba dang / byin gyis brlab pa dang / zab khrid dang / lung 'bogs pa la sogs pa zab pa dang rgya che ba'i chos kyi 'khor lo rgya chen po bskor te gdul bya thams cad rnam par grol ba'i skal ba dang ldan par mdzad pa yin no/ /de dag gi skabs gseng rnams su 'jigs byed kyi sku mtshams zla gcig lhag tsam dang / brag rdzong ma'i sku mtshams zla ba gcig tsam dang / tshe sgrub zla shas bcas bzhugs pa dang / yongs rdzogs bstan pa'i snang byed khro shul bla ma rin po che ngag dbang smin grol rgya mtsho'i drung nas/ rgyal mchog lnga pa rin po che ngag dbang blo bzang rgya mtsho'i ye shes dag pa'i snang ngor rtsa ba gsum gyi lha tshogs rnams kyis dbang bskur zhing byin gyis brlabs pa'i zab chos dag snang rgya can nyer lnga'i chos skor yongs su rdzogs pa dang / gter ston 'ja' tshon snying po'i zab gter las byung ba'i dkon mchog spyi 'dus kyi dbang dang / gter ston rkyang mo grags nas brgyud pa'i rta mgrin yang gsang khros pa lha dgu/ tshe dbang gying lnga gza' gdong dang bcas pa'i dbang bskur ba dang / mnga' ri gter ston paN chen padma dbang rgyal nas brgyud pa'i bsam pa lhun grub ma'i dbang dang /