[A:541]pa'i bzod pa chen po dang / slong ba 'ga' zhig spyan lam du 'ong bar gzigs na/ skye bo mdza' bshes byes nas 'ong ba dag /mthong bar gyur pa'i dga' ba'i mig bgrad bzhin/ /slong ba'i tshig ni gtam snyan thos bzhin dga'/ /byin nas dga' ba slong ba bas kyang lhag /ces gsungs pa lta bu'i sgo nas lus dang longs spyod la sogs pa ji ltar 'dod pa'i sbyin pas pha rol po'i bsam pa rdzogs par mdzad pa sogs dge ba'i bya ba rnams la padmo'i mtsho la ngang mo 'jug pa ltar ngang gis 'jug pa zhig go /zhes thos la/ lhag par dgung lo gsum tsam bzhes pa'i skabs yab yum rnams dang lhan cig dbus gtsang gi gnas khyad par can rnams mjal zhing bskor ba'i slad du pheb pa na/ tshe chu 'bum pa yin snyam pa'i mchod rten zhig gi bum sgo'i nang nas lha'i gzugs khyad par du 'phags pa zhig gis bum pa bdud rtsis gang ba thogs nas rje nyid kyi dbu dang ljags thog tu bdud rtsi byin pa mngon sum du gsal bar gzigs so zhes rje nyid nas ji ltar bka' stsal pa ltar mkhan chen rdo rje 'chang 'jam dbyangs rin chen rdo rje'i zhal las bdag gis thos so/ /rab mdzes me tog gsar pa'i do shal dang / /chu 'dzin dkar po stod g.yogs mdzes pa can/ /mtho ris dga' ba 'thul ba'i zhing khams dang / /'jig rten 'di na kha ba can du grags/ /'dod rgu'i ri mos bkra ba'i yul ljongs 'dir/ /ye shes gzigs pa'i spyan zur lhung gyur pa'i/ /skal bzang 'gro ba kun gyi bsod nams ni/ /'jig rten mes po yis kyang gzhal bar dka'/ /dwangs pa'i mtsho la shar ba'i zla gzugs bzhin/ /srid pa yongs su gzung ba'i sgyu 'phrul gzugs/ /lang tsho'i me