[A:544]pa sbyong ba'i tshul bstan pa ltar yi ge'i phyi mo klog la sogs pa gzigs pa tsam gyis tshegs med par mkhyen pa'i tshul bstan/ slar yang e wa~M pa'i 'don tshogs yongs su rdzogs pa thugs 'dzin dang / de dag gi phyag len phra mo tshun chad mthar phyin par mdzad cing / der ma zad dpal kye rdo rje'i rtsa ba'i rgyud brtag pa gnyis pa dang / 'jam mgon sa skya paNDi tas mdzad pa'i sdom pa gsum gyi rab tu dbye ba/ ngor chen thams cad mkhyen pa dkon mchog lhun grub kyis mdzad pa'i tshul gsum mdzes rgyan dang / ljon shing mdzes rgyan te ngor pa'i rgyud chung bzhir grags pa rnams thugs la bzung ste bla brang du gtong bar mdzad/ dgung grangs bcu gnyis su son pa kun ldan gyi lo'i hor zla gnyis pa'i yar tshes nang sdom brtson sde snod 'dzin pa kun gyi gtsug gi nor bu mkhan chen thams cad mkhyen gzigs rnal 'byor 'jam dpal bzang pos mkhan po dang / las kyi slob dpon mkhas pa'i dbang po 'jam dbyangs grags pa sogs dad pa'i dge 'dun grangs tshang ba'i dbus su tshigs snga ma dge tshul gyi sdom pa cho ga rnam par dag pa'i sgo nas gsan te/ de'i bslab bya blangs 'das sum cu rtsa gsum phyogs mthun dang bcas pa phra mo tsam yang ma nyams par mig gi 'bras bu ltar gces pa'i sgo nas srung sdom tshul bzhin du mdzad do/ /khyad par bsnyen par rdzogs pa'i sdom pa ni phyis dgung grangs nyer gcig pa'i tshe bzhes pa yin na'ang gzhi tshul khrims rnam par dag pa'i dbang du byas te 'dir sdom pa gsum gyi go rim dang mthun par phyogs gcig tu brjod na/ de'ang nam mkha' dang mnyam pa'i sems cad thams cad kyi don du srid zhi'i mtha' la mi gnas pa'i mya ngan las 'das pa'i khang bzang dam par