[A:547]'byung gi bsam pa rnam par dag pa'i rgyu dang / mngon du gyur pa bcu'i rkyen tshogs pa las byung ba'i sems pa dge bas sa bon dang bcas pa'i ngo bor gyur pa'i dge slong gi sdom pa legs par bzhes pa de nas brtsams te dgag pa'i bslab bya ltung ba sde lnga char gtogs pa dang bcas pa/ sgrub pa'i bslab bya gzhi gsum gyi lag len phra mo tshun chod/ gnas mal dang yo byad la sogs pa mtha' gnyis spangs pa'i sgo nas longs spyod rung du gnang ba la sogs pa/ mdor na bya ba dang bya ba ma yin pa'i cha phal cher nyan thos kyi gzhung las ji ltar 'byung ba nyid gzhir byas pa'i steng du ltung ba dang / ltung med dang / ltung ba'i gzugs brnyan dang / ltung ba med pa'i gzugs brnyan sogs theg pa chen po'i sde snod rin po che rnams las ji ltar 'byung ba bzhin ma 'dres par gtan la phab ste blang dor tshul bzhin du mdzad pa sogs/ mdor na dgag sgrub gnang gsum gyi bslab bya phra zhing phra ba rnams kyang spyan gyi 'bras bu ltar srung bar mdzad pa la brten nas sku'i gzi brjid nyi ma ltar 'bar bas skye rgu thams cad zil gyis gnon pa dang / spyod lam thams cad mdzes shing yid du 'ong ba/ gang du bzhugs pa'i gnas dang nye 'khor thams cad gzi byin gyis khyab cing bag dro ba dang / sku lus dang na bza' sogs las tshul khrims kyi dri bzang po ldang ba dang / mchog dman thams cad kyis mjal ba'am gsung thos pa tsam gyis slar mi ldog pa'i dad pa brtan po glo bur du rnyed pa dang / thugs shin tu zhi zhing des pas 'dzum pa'i gzhin dang / snyan pa'i gsung gis skye bo thams cad dbugs dbyung zhing bde ba skyed par mdzad pa dang / pha rol po'i yid dang mi mthun pa'i bka' bkyon pa sogs rnam 'gyur phra mo tsam