[A:548]sku tshe'i ring la mthong thos med pa lta bu yin kyang / sku mdun du mjal ba na thams cad 'jigs shing bag 'khums te spobs pa rang dbang med par zhi ba dang / dge 'dun gyi tshogs dbur bzhugs pa sogs kyi tshe'ang thams cad sku gsung thugs kyi gzi byin gyis shin tu 'jigs shing zhums pas sgo gsum gyi spyod pa bag yod pa dang ldan pa'i sgo nas blang dor gyi gnas la gzob pa kho na lhur byed cing / shin tu zhi ba'i gnas la bkod pa sogs yon tan gyi khyad par bsam gyis mi khyab pa la dbang 'byor pa ste/ mdor na tshul khrims kyi phung po rnam par dag pa ni sbyangs pa'i yon tan la gnas pa'i mchog 'phags pa 'od srung chen po dang / 'dul ba 'dzin pa chen po u pa lI la sogs pa sngon gyi 'phags pa dgra bcom pa rnams kyi rnam thar dang tshul mtshungs pa yin no/ /gzhan yang mkhan chen thams cad mkhyen pa byams pa kun dga' bstan 'dzin gyi drung nas brgyud pa'i khyad par gnyis ldan gyi sems bskyed gsan pa dang / khyad par rgyal ba'i sras po 'jam dpal gzhon nur gyur pa nyid sdom brtson sde snod 'dzin pa chen po'i rnam rol 'jam dbyangs mkhyen brtse'i dbang po'am/ byang chub tu zhal gyis bzhes te rgyal sras kyi spyod pa rgya mtsho lta bu la spyod pa na byang chub sems dpa' blo gros rgya mtsho dri ma med pa'i 'od ces yongs su grags pa'i drung nas shing rta chen po'i lugs srol gnyis las byung ba'i byang chub sems dpa'i sdom pa rnam par dag pa legs par bzhes te smon pa sems bskyed pa'i bslab bya sems bskyed kyi yon tan dran par bya ba dang / yang dang yang du sems bskyed pa dang / tshogs gnyis gsag pa dang / sems can blos mi spong ba dang / dkar nag gi chos bzhi'i blang dor la bslab par bya ba rnams dang /