[A:549] 'jug pa'i bslab bya nam mkha'i snying po'i mdo'i rjes su 'brangs nas slob dpon zhi ba lha la sogs pa ltar gyi byang chub sems dpa' rgyal po la 'byung ba'i ltung ba lnga dang / blon po la 'byung ba lnga dang / las dang po pa la 'byung ba brgyad de rtsa ba'i ltung ba bco brgyad dang / 'phags pa thogs med rjes 'brang dang bcas pa'i lugs kyi pham pa'i gnas lta bu'i nyes byas bzhi dang / yan lag gi nyes byas bzhi bcu rtsa drug dang bcas pa ste/ mdor na spang bya'i gnas phra mo tsam la'ang nyes ltung gi dri mas ma gos shing / bsgrub par bya ba byang chub sems dpa'i bslab bya'i gtso bo bdag pas gzhan gces kyi rtog pa bcos ma ma yin pa yang srid mang por goms pa mthar phyin pa'i dbang gis sku na shin tu phra mo'i dus nas brtsams te 'bad rtsol la ma ltos par byang chub kyi sems rin po che mngon du gyur pa zhig ste/ de nyid kyi phyir 'dab chags la sogs pa sems can gyi rigs gzhan gyi dogs pa dang bcas pa rnams kyang sku drung du ji snyam du'ang mi sems par shin tu bag phab cing 'khod pa ni/ dper na snga dro'i thugs dam grub nas nyi gzigs sogs su cung zad bzhugs pa'i tshe 'bras sogs 'bru'i rigs phyag tu bsnams te bstan pa ni byi'u mchil pa dag kyang the tshom med par phyag mthil du babs te longs spyod pa sogs byang chub kyi sems 'byongs pa'i rtags ngo mtshar ba mnga' ba dang / mgon po byams pas/ snying rjes zin pa'i brtse ldan rnams/ /zhi la'ang yid ni mi gnas na/ /'jig rten bde dang rang srog la/ /chags par 'gyur ba smos ci dgos/ /zhes gsungs pa ltar rang nyid kyi bzhed don la cung zad tsam yang ltos pa med par mdzad pa thams cad dngos dang brgyud pa'i