[A:550]sgo nas sems can la phan bde 'byung ba'i thabs 'ba' zhig tu spyad pa dang / mi srun pa'i skye bo ngan pa kha cig gis skur pa 'debs pa dang / log sgrub rtsom pa sogs ji ltar bgyis kyang sems can gyi rang bzhin du dgongs pas lhag par thugs rje chen po bskyed de/ de dag la gnod 'gal du gyur pa'i las phra mo tsam yang mdzad pa mi srid pa'i steng du slar yang phan pa kho na lhur mdzad pa ste/ bka' las kyang / byang chub sems kyi che ba la ltos dang / 'di ltar/ 'jigs rten phyi ma phan chad kyi don lta zhog /tshe 'di'i bya ba phra mo tsam yang gzhan don gtso bor byas te sgrub na 'bad med du 'grub par 'gyur gyi/ rang don kho na la ched du dmigs te bsgrubs pas ni ci'ang 'grub par mi srid pa kun gyis mngon sum du mthong ba 'di yin/ des na 'jig rten gyi khams na sems can gyi rigs dang rang bzhin tha dad pa mang po yod pas/ 'ga' zhig log sgrub kyi sgo nas gnod pa byed pa byung yang de dag la zhe sdang gi sgo nas gnod 'tshe'i sems dang / rang don yid byed kyi bsam sbyor thams cad spangs te/ sgo gsum gyi bya ba thams cad gzhan gyi don du ci 'gyur gyi thabs la 'bad par gyis shig dang / 'di phyi thams cad du legs par 'ong ngo zhes nan tan du stsal ba dang / der yang ma zad thos bsam sgom gsum sogs dge ba'i bya ba phran bu tsam sgrub na'ang bstan pa dang sems can la sman pa'i ched du bgyid dgos pa yin/ khyod kyis kyang chos tshig 'bru re gnyis tsam gyi don shes pa 'dra srid na'ang gzhan la bsam pa rnam par dag pa'i sgo nas bslabs na pha rol po la phan thogs pa dang / rang nyid kyis shes pa 'ang don yod pa yin pas cis kyang slobs shig ces bdag nyid la rdo rje'i bka' lung lha'i bdud rtsi'i lta bus yang nas yang du dbang