[A:556] ri khrod dben pa rnams su sgrub pa'i rgyal mtshan rtse gcig tu 'dzin pa zhig nam 'ongs na snyam du cis kyang dgos med kyi nges 'byung drag po bstar chags su thugs rgyud la 'khrungs pa'i rkyen gyis dgung grangs bcu drug pa dang bcu bdun pa'i khongs su rje btsun 'jam dbyangs dkar po dang / kun rig /'byung 'dul/ seng gdong ma/ dbyangs can ma dkar dmar sogs kyi gcad rgya kho na la bzhugs te/ stong gsal nam mkha' lta bu'i ting nge 'dzin kho nas nyin mtshan khor yug tu 'da' bar mdzad la/ khyad par dgung lo bco brgyad bzhes pa'i skabs su khu bo mkhan chen rdo rje 'chang byams pa kun dga' bstan 'dzin gyi drung du/ bdag tshe 'dir snang gi dpal 'byor dang g.yeng ba mtha' dag spangs te mi med kyi lung stong rnams su tshe dang sgrub pa snyoms pa zhig bya chog pa'i dgongs khrol mdzad thub pa mkhyen zhes gsol ba yang nas yang du btab kyang / mkhan chen rdo rje 'chang de nyid kyis shes bya thams cad la thogs pa med pa'i ye shes kyi spyan gyis rje 'di ri khrod dben pa rnams su bzhugs te thugs dam nyams bzhes kyi rigs la gtso bor mdzad na rim pa gnyis kyi ting nge 'dzin mthar phyin te rang gzhan gyi don rlabs po che 'grub pa sogs legs tshogs shin tu che mod/ de las kyang chos grwa chen po 'dir bzhugs nas thos bsam la 'bad rtsol mdzad tshe ma 'ongs pa na 'chad rtsod rtsom gsum gyi sgo nas spyi dang bye brag gi bstan pa rin po che nyi ma shar ba bzhin gsal bar mdzad pa mngon sum du gzigs te/ ji tsam nan tan du zhus kyang bkas ma grol bar slar yang thos bsam thugs brtson drag pos bstan pa rin po che skyong dgos tshul gyi bka' lung 'ba' zhig stsal ba dang / de'i nang nas kyang bla ma gong ma'i phyag srol ltar kun tu dgos pa'i gzhung bdun po thugs la 'dzin dgos pa'i bka' nan bzlog tu