[A:557]med pa pheb/ de'i stobs kyis rje 'dis kyang da ni dngos grub kyi rtsa ba rje btsun bla ma dam pa'i bkas ma grol bas ri khrod du pheb pa sogs ni cha ma yin la/ ji ltar stsal ba'i thugs bzhed ma lus pa tshul bzhin du sgrub pa ni byin rlabs kyi sgo brgya dbye ba'i thabs kyi gtso bo nyid du nges pas de kho na la chig dril du 'bad par bgyi'o snyam du dgongs te/ ji skad du/ rje btsun rin po ches mdzad pa'i rnam 'grel dag ldan ma las/ rgyud sde'i dum bu rnam gzhag mngon rtogs dang / /stong thun gnyis kyi don bsdus bstod pa gnyis/ /bdag med bstod pa'i rnam 'grel dang bcas pa/ /kun tu dgos pa'i gzhung bdun 'thor mi bya/ /zhes gsungs par ltar gyi rje sa skya pa chen pos mdzad pa'i rgyud sde'i dum bu brgya bcu gsum 1)pa/ slob dpon rin po che bsod nams rtse mos mdzad pa'i rgyud sde spyi'i rnam gzhag2) /rje btsun rin po che grags pa rgyal mtshan gyis mdzad pa'i rgyud kyi mngon par rtogs pa rin po che'i ljon 3)shing / rje btsun rin po ches mdzad pa'i stong thun sa gcad4)/ des mdzad pa'i rje btsun yab kyi bstod pa daNDa ka 5)dang / yum gyi bstod pa rin po che'i phreng ba6)/ 'jam mgon sa skya paNDi tas mdzad pa'i bdag med bstod pa'i rnam 'grel 7)te kun tu dgos pa'i gzhung bdun thugs 'dzin mdzad de/ de'ang rje rin po che 'di nyid nges pa'i don du rnam pa thams cad mngon sum du mkhyen pa la thogs pa mi mnga' ba rgyal ba thams cad kyi thugs gnyis su med pa'i ye shes chen po'i rang bzhin rje btsun 'jam pa'i dbyangs kyi ngo bor bzhugs pas/ 'di tsam la mkhyen rab che chung gi smra brjod byed pa ni nam mkha' 'dom gyis 'jal ba ltar byis pa rang gi de nyid ston par zad mod/ 'on te phal pa rnams kyi rgyud tshod la dpag pa'i rnam 'phrul phra mo