[A:529]du gsungs pa dang / gang yang phyogs bcu'i sangs rgyas bcom ldan 'das dus gsum gyi rdo rje'i ye shes las byung ba de rnams kyang / gsang ba 'dus pa'i slob dpon dang phrad na mchod pa byed cing phyag 'tshal lo/ /de ci'i phyir zhe na/ de nyid ston pa yin/ bcom ldan rdo rje 'dzin pa yin/ /sangs rgyas thams cad kyi ye shes kyi bdag po yin pa'i phyir ro/ /zhes dang / rdo rje gur las/ bla ma sangs rgyas kun dang mnyam/ /rnam par snang mdzad mgon po dang / /bla ma rdo rjai sems dpa' bzhin/ /ji ltar nam mkha' mdzod chen dang / /thub pa rdo rje chos ji bzhin/ /mgon po rta bdun rgyal po ltar/ /de bzhin slob dpon rab tu grags/ /zhes dang / gang nyid rdo rje sems dpa' zhes/ /de nyid slob dpon gzugs su 'dzin/ /sems can phan gdags dmigs nas ni/ /tha mal pa yi gzugs su 'dzin/ /zhes dang / phyag rgya chen po thig le las/ /gang zhig dbang bskur sbyin byed pa/ /de ni rdor sems lta bur blta/ /bla ma ston pa bas lhag blta/ /de bzhin rin chen mnyam par blta/ /zhes dang / de lta bu yi mchod pa yis/ /'bad de bla ma mchod par bya/ /bla ma'i gzugs ni bdag rang yin/ /bdag mchod byas na dngos grub 'thob/ /ces dang / dpal sdom pa 'byung ba las/ bla ma sangs rgyas bla ma chos/ /de bzhin bla ma dge 'dun te/ /kun gyi byed po bla ma yin/ /