[A:612]shin tu rnam par dag pa dang / khyad par du'ang zhag bdun phrag bdun gyi bar du rje rin po che nyid tshogs dbur pheb nas dpal kye rdo rje'i rdul tshon gyi dkyil 'khor chen po bzhengs te sgrub cing mchod pa dang / bdag nyid 'jug cing dbang blang ba la sogs pa tshul bzhin du mdzad pa dang / sku gdung rin po cher zhugs 'bul ba'i skabs su'ang sa chog nas brtsams te/ gdung khang brtsig pa sogs phyag len che phra thams cad shin tu dag par bkas khyab par mdzad pa dang / gdung rus kyi phye ma dang gdung thal sogs la sku 'dra dang sAtstsha grangs med pa bzhengs te/ rab gnas rgya rtsa la sogs pa mdzad pa dang / de nas sa chog dang / lto 'phye'i thig dang / gter bum 'jug pa sogs sngon du 'gro bas phyi rten khang bu brtsegs pa'i mchon rten chags tshad dang ldan pa la/ nang gzungs dang gdung tshA la sogs pas phyur bur gtams pa bzhengs shing rab tu gnas pa dang / de bzhin du gser zangs las grub pa'i 'dra sku dang / rin chen gnyis pa las grub pa'i mchod rten dang / gtsug lag khang du bsham rgyu'i dus thang la sogs pa khyad par du 'phags pa bzhengs te/ mthar rab tu gnas pa'i cho ga shin tu rgyas pa ye shes pa mngon sum du bzhugs su gsol ba'i bar dang / mdor na rgyud sde'i dgongs pa dang mthun zhing phyag len sla chos su ma song bar phra zhing phra ba nas zhib cing mtha' chod pa thugs skyo ba dang dub pa med pa'i sgo nas sgrub par mdzad pas bla ma'i thugs dgongs rdzogs shag la/ sbyor dngos rjes gsum tshang ba'i cho ga rnam par dag pa 'di lta bu mthar phyin pa bla ma'i thugs bskyed/ slob ma'i dad gus gang la bsams kyang phun sum tshogs pa 'di 'dra 'dzoms srid pa snyam bdag lta bu'i dred po chos med snying rdo