[A:622] log par rtog pa dang / the tshom gyi dbang du gyur pas brtsad cing bris pa rnams la shin tu thugs rangs shing spobs pa gzengs mtho ba'i sgo nas chos dang mthun pa'i lan gyis de dag gi don ni 'di kho na'o/ /zhes pha rol po dag nges shes gting nas skye zhing sgro 'dogs chod par mdzad pa yin te/ dper na byang chub sems dpa' blo gros snying pos bdag cag gi ston pa la de bzhin gshegs pa'i snying po las brtsams te brgal zhing brtags pa'i lan gyi rim pa ji skad bka' stsal pa lta bu'o/ /gzhan yang gzhung lugs rgya chen po 'ga' zhig gi dka' ba'i gnad rnams 'chad pa na mdo rgyud gzhan nas 'byung ba'am/ gzhung de nyid kyi skabs su'ang rung ste/ phan tshun 'gal bar snang ba lta bu la 'di dang 'di mi 'gal lam/ ji ltar yin zhe na zhes pa lta bu'i dri ba'am rtsod pa sngon du bkod de/ de'i lan lung rigs dang mthun par bshad pas gzhung gi 'gal ba spangs shing dgongs don 'bad med du rtogs par mdzad pa ni mtha' yas la/ der ma zad sngon gyi dus su byon pa'i mkhas pa chen po rnams dang / da ltar bzhugs pa'i bstan 'dzin gyi skyes bu dam pa rnams kyi bzhed pa'i rnam grangs ma 'dres par so sor bkod de/ de dag kyang gong du bshad pa ltar rang nyid kyi grub mtha' yin pa rgyu mtshan du byas nas de la mchog tu zhen cing / gzhan gyi grub mtha' la khyad du gsad 'dod kyis ngan du smra ba sogs phyogs lhung gi dri ma tsam yang med par bstan pa rnam par dag pa 'ba' zhig gi ched du dgongs te/ 'di'i phyogs ni 'thad pa'o/ /'di dang 'di dag ni mi 'thad pa'o/ /zhes lan gyis zlog par mi nus pa'i rigs tshogs mtha' yas pa dang / de dag gi rgyab rten du 'jig rten gsum na tshad mar gyur pa'i bka' dang