[A:247]spel gsum gyi don 'bras grub nas bstan 'gro'i gsos sman du gyur pa'i tshul las brtsams te gleng na/ dang po yon tan thams cad kyi gzhi rten dge ba'i bshes gnyen bsten cing tshangs pa mtshungs par spyod pa yin par rjes su bstan pa'i phyir/ thub dbang gnyis pa rjes btsun e waM pa'i rgyal tshab/ tshul khrims dri bsung gis lus sems kyi gdung ba sel nus pa/ ting 'dzin gsal snang gis rigs drug gi gnas tshul mkhyen pa/ shes rab zab mos chos nyid mngon sum du gzigs pa/ byams pa kun dga' bstan 'dzin las so thar rigs bdun gyi dang po yongs rdzogs dge bsnyen gyi sdom pa bzhes shing mtshan tshul khrims rgya mtsho gsol/ phyis su dgung grangs nar son skabs/ rtsa ba'i yongs 'dzin brtan mkhas kyi yon tan yongs su rdzogs shing rgyal ba gnyis pa'i zhal tshab mtshungs zla ma mchis pa byams pa kun dga' bstan pa'i rgyal mtshan dpal bzang po'i zhal snga nas mkhan po dang / las kyi slob dpon gnas brtan chen po dpon slob nam mkha' rgyal mtshan gtsos pa'i dge 'dun grangs tshang ba'i dbus su dge tshul dang dge slong gi sdom pa bzhes te rgyal ba'i bstan pa la nye bar bsnyen pa'i dngos po yongs su rdzogs par mdzad cing mtshan 'jam dbyangs blo gter dbang po gsol/ dus skabs 'ga' zhig tu gsung ngag rin po che tshogs bshad kyi bdud rtsis thugs kyi bum bzang gtams pa'i tshe'ang / dpal ldan mthu stobs kyi mgon po'i brgyud pa zin pa'i rten 'brel phun sum tshogs pa ma