[A:248]sgrig rang 'grig tu gyur pa sogs phyogs thams cad nas yon tan gyi cha shas kun nas rdzogs par gyur/ de nas rgyal sras rnams kyi bslab par mi bya ba'i gnas gang yang med pa rjes su bstan pa'i phyir/ klog pa'i slob dpon bsod nams phun tshogs bsten cing bla ma yi dam chos skyong rnams kyi bstod tshogs sgrub thabs dbang chog dang / de dag la sbyar ba'i dbyangs gdangs rol gsum dang / bla ma brgyud pa'i phyag len che phra thams cad byang chub par mdzad/ gnas kyi slob dpon gnas lnga rig pa'i paNDi ta/ kun spangs sbas pa'i rnal 'byor 'jigs med dpal ldan bsten nas/ sum cu pa dang / rtags kyi 'jug pa dang / dbyangs can sgra mdo dang sdeb sbyor rin chen 'byung gnas dang rgyan gyi bstan bcos me long ma rnams rtsa ba thugs la bzung nas gzhung bshad dper brjod yan lag dang bcas pa dpyis phyin par bslab sbyong mdzad/ de dag gi skabs su reg zig bkod pa mang zhig phyis su 'khyar 'dug pa kho bos 'di dag phyogs bsdu grub pa'i bka' drin zhus par/ da ni tshang ba yod mi 'gro zhing / yod du chug kyang de 'dra'i ngal bas ci bya gsung / bgrang bya mtho skabs kyang sgra mdo 'di byang che bas yin nam da dung rtsa ba thugs la shar mar yod 'dug gsungs/ gzhan yang dkar nag rtsis kyi skor rnams phyag khrid mthar phyin par mdzad/ dgung grangs bcu par phebs skabs/ bka' drin sum ldan gyi bla ma thar rtse mkhan chen thams cad mkhyen pa'i zhal snga nas spyir rgyal ba'i bstan pa 'di la zhugs pa thams cad kyis bstan pa las phyi rol