[A:278]par gsol ba 'debs so/ /zhes zhus pas/ yang dgyes 'dzum rnam par g.yo ba'i zhal nas 'di ltar gsungs so/ /kho bos phyogs med kyi rgyal khams rnams su nyul nas yongs 'dzin dge ba'i bshes gnyen mtshan nyid dang ldan pa brgya phrag gcig las lhag tsam gyi zhabs pad bsten nas 'phags bod kyi shing rta chen po rnams kyi bka' srol dri ma med pa las byung ba'i smin grol man ngag gi chu rgyun ma nyams pa mtha' dag thugs mtshor bskyil ba'i skal bzang thob zin na'ang / spyir bgrang gzhi mtho/ bye brag 'byung 'khrugs kyis gtses pas yongs su rdzogs pa 'bul ba la yun ring du thogs pas/ kho bos ci nus gang lcogs su phul nas/ mtshungs med chos kyi shing rta chen po 'jam mgon blo gros mtha' yas la sogs pa la'ang zhus na mthar phyin legs po 'ong 'gro bas de ltar thugs dbus su bcang ba zhu gsungs shing / de nas yun mi ring ba rdzogs ldan gsar pa'i dga' ston snyigs dus su myong ba lta bu'i dus skabs phun sum tshogs pa zhig la/ rje bla ma mkhyen brtse'i dbang po de nyid dkyil 'khor rgya mtsho'i gtso bo gcig nyid du ma'i rnam 'gyur rtse bzhin du/ sdom brtson rig pa 'dzin pa gser gyi phreng ba tshar du dngar ba lta bu dang lhan cig zab gsang bla na med pa'i chos kyi 'khor lo ngo mtshar rmad du byung ba zhig bskor nas/ rgyud sde chen po bzhi dang 'brel ba'i dbang gi mngon par rtogs pa yongs su rdzogs pa bcu phrag bdun las lhag tsam zhig stsal bar mdzad do/ /de las bcu phrag bzhi lhag tsam ni chabs gcig tu gnang ba dang /