[A:279] de min dus snga phyi sna tshogs su gnang ba yin 'dug go /mkhas shing dngos grub brnyes pa'i rdo rje slob dpon chen po blo gros mtha' yas pa'i zhal snga nas rngog lugs kyi rgyud sde rnams dang / dpal dus kyi 'khor lo/ bde mchog rab 'byams/ gshin rje rab 'byams/ shangs lugs kyi rgyud sde lnga chig dril gyi dbang / zab lam ni gu chos drug dang / shangs pa'i gser chos yongs rdzogs kyis mtshon pa'i sgrub brgyud shing rta brgyad kyi ring lugs yongs su rdzogs pa/ rje kun dga' grol mchog gis bsgrigs pa'i khrid yig brgya rtsa/ rje sgrol mgon zhabs kyis bsgrigs pa'i sgrub thabs rin chen 'byung gnas rjes gnang sum brgya lhag tsam dang / bka' brgyud sngags mdzod dang / bstan bcos shes bya kun khyab kyi ljags khrid/ thun mong gi rig gnas sgra mdo tsandra pa'i phyag khrid mdzad de/ kun bshad kyi mtshan du 'jam dpal grub pa'i rdo rje thub bstan gsal ba'i nyin byed 'jigs med gtsug lag rgya mtsho'i sde zhes pa/ gsol te/ ma hA paNDi ta'i che brjod mnga' gsol mdzad/ de skabs gso rig rgyud bzhi'i zhal khrid kyang yongs rdzogs gsan to/ /yang ston 'khor phun sum tshogs pa'i skabs shig na rje mkhyen brtse'i dbang po'i zhal snga nas sgrub thabs rin po che kun las btus pa'i dbang dang rjes gnang man ngag dang bcas pa rgyab rten yig rnying gi skor rnams yongs su rdzogs pa dang / zab pa gnyis su med pa dgyes rdor brtag gnyis dang / rgya chen gnyis med kA la tsakra/ zab rgyas