[A:280]snying po 'jam dpal mtshan brjod rnams kyi bshad khrid gsan/ rdzong shod bde gshegs 'dus pa'i pho brang du lo chen bai ro dngos byon blo gros mtha' yas las rin chen gter gyi mdzod chen po dbang bka' stong phrag lhag tsam dang / zab khrid drug cu dang / rgyab rten yig cha pod chung brgya lhag tsam gyi bklag lung gsan/ gdong kaM paNDi ta ngag dbang dam chos rgya mtsho las rje tsong kha pa'i lam rin chen mo dang / de la mchan bu bzhi sbrag gi bshad khrid dpyis phyin pa dang / 'jam dbyangs chos skor gyi dbang lung rnams gsan/ mkhas btsun dge ba'i bshes gnyen thub bstan legs bshad bzang po las/ bka' gter dag snang thams cad kyi skor las byung ba'i tshe dpag med kun btus dang / spyan ras gzigs kun btus kyi dbang bka' yongs rdzogs/ sgrub thabs rin chen mdzod khang rjes gnang sum brgya lhag tsam bzhugs pa rnams gsan/ ru dam o rgyan bsam gtan gling gi mkhan po mkhas grub padma rdo rje las sgyu 'phrul gsang ba snying po zhi ba dang khro bo'i dkyil 'khor du dbang nos te/ rgyud kyi bshad dka' dpyis phyin pa/ gsang bdag dgongs rgyan/ gsang bdag zhal lung / phyogs bcu mun sel rnams kyi thog nas gsan par mdzad do/ /byang chub kyi sems dang rdzogs chen gyi rtogs pa klong du gyur pa lung rtogs bstan pa'i nyi ma las snying thig zab mo'i chos skor rnams yongs su rdzogs pa gsan/ dben ri'i ngogs su byon nas 'khor 'das ru shan 'byed pa sogs tshul bzhin mdzad/ nyams khrid ltar khregs chod zhag bdun