[A:281]dang / thod rgal zhag bcu la nyams bzhes gnang nas rtogs 'bul mdzad pa na/ slob dpon dge ba'i bshes gnyen de nyid kyi zhal nas/ gang zag khyad par can 'di lta bus ni/ rig pa tshad la phebs nas/ chos nyid zad sar 'khyol ba la dka' tshegs ci yang mi dgos pa rdo rje'i lung gi gsal te/ dbang rab seng ge'i rtsal can zhes bya ba 'di 'dra la zhu ba lags so/ /zhes thugs gting nas dgyes pa'i bstod bsngags kyis rgyud mang 'khrol/ rje 'jam dbyangs bla ma'i thugs sras rdo rje 'dzin pa kun dga' 'jam dbyangs las/ sngar ma gsan pa'i skor rnams khong la rgyun gang bzhugs pa rnams gsan par mdzad/ mdor na 'jam mgon rdo rje 'chang rnam pa gnyis gtsor mdzad pa'i yongs 'dzin dge ba'i bshes gnyen bcu phrag bzhi las lhag tsam gyi zhal snga nas gsang sngags gsar ma'i phyogs su khyab che ba'i spyi bka' dang zur bka' bsdoms pa'i dbang chen brgya phrag gsum la bcu phrag kha yar gyis lhag pa dang / khrid bka' brgya phrag gcig la bcu phrag bdun gyis lhag pa dang spyi zur phyogs bsdoms kyi rjes gnang stong phrag lhag tsam dang / 'phags yul gyi dgongs 'grel bstan bcos gangs can pa'i brda la sgyur ba rnams kyi lung rgyun gang bzhugs dang bod yul gyi mkhas grub bstan 'gro la bka' drin che ba rnams kyis bka' bsdu dang / gsal byed dang / chog khrigs gang dang gang gnang ba rnams kyi bka' pod dang / be'u bum dang / 'thor bu'i rigs lung rgyun gang dang