[A:282]gang bzhugs pa thams cad kyi pusti kaHbrgya phrag mang po gsan par mdzad do/ /de dag thams cad kyang sngon gyi sangs rgyas sras dang bcas pa dang / de dag gis rgyud byin gyis brlabs pa'i mthus gzungs kyi sgo bzhi dang / spobs pa'i gter brgyad kyi kha bye nas lung dang rtogs pa'i rin po che'i mdzod la dbang 'byor pa'i mkhas grub dam pa tshad mas grub pa rnams gang nas gshegs pa'i shul lam bzang po bde legs shis pa'i me tog dkar po rab tu bkram pa'i phyogs gang yin pa de gol chug med pa shes shing rtogs pa'i spyan ras rnam par gsal ba dang / don la nges pa'i gding mi 'gyur ba thob par mdzad pa kho na las/ thos rgya che bas thos rgya che ba'i go bcad pa dang / thos rgya che bas thob rgya che ba'i go mi bcad pa zab rgyas chos tshul rgya mtsho'i snying po rnam dpyod hub gcig gis 'thung bzod kyang / legs gsungs thigs pa gcig gi don la brtson pa shugs chen po bskyed pa zhig rje 'di la mnga' ba lags so/ /lnga rigs smra ba'i gtsug rgyan mi pham rnam par rgyal ba las tshad ma rnam 'grel gyi zhal khridadang / dbu ma rgyan gyi bshad khrid gsan/ gzhung lugs chen po 'di rnams la blo gsal las dang po pas nges shes kyi 'grel par re re mdzad bzhed yod kyang tshad ma rig gter/ dbu ma 'jug pa/ mngon rtogs rgyan/ mngon par mdzod/ rgyud 'grel dag ldan rnams la phyag mchan btab pa'i 'grel chung bsdus tsam re re mdzad nas rgyud sde rab 'byams kyi bka' bsdu'i nyer bsdogs la zhugs