[A:303]bar mdzad do/ /e ma ke la sha yi ljongs yangs par/ /legs bshad mgrin rnga ldir ba mang mchis kyang / /rdo rje'i gsang mdzod 'byed pa'i 'chi med rnga/ /dus su bsgrags pa su zhig srid na mthong / /rgyal dang rgyal sras rnams kyis gsungs shing bsdus/ /'phags yul mkhas grub rnams kyis bshad cing sgrub/ /skad gnyis smra ba rnams kyis bsgyur zhing spel/ /dbang dang byin rlabs bka' babs rgyun ma chad/ /phyogs re ba dang rags pa re gnyis tsam/ /ma yin bka' srol yongs rdzogs chu klung kun/ /chos kyi mtsho chen gcig tu sdud cing spro/ /gsang bdag bla ma ma dros bdag po'i mthu/ /sngon dus chos kyi snang byed mang byon nas/ /bstan pa'i pad tshal nyin bzhin kha 'byed kyang / /deng dus rgyal bstan phyi dro'i nyi ma 'dra/ /rang dgar spyod pa'i srin bya rang skad 'byin/ /ring po mi thogs srod kyi phra men mas/ /mun pa'i rum du bsnyal ba'i skabs shig tshol/ /rje btsun mchog 'di stobs kyi mgon po bzhengs/ /chos kyi nying khu chu bo'i rgyun bzhin gsol/ /'khor lo gsum gyi sdig mdzub gyen du bsgrengs/ /sa gsum sgron me ring du 'tsho bar mdzad/ /kye ma snyigs ma'i bstan 'gro skyob pa'i gnyen/ /'di 'dra skal ngan rnams kyis mthong bar dka'/ /byams chen chos kyi zla ba ma shar ba/ /thub dbang thugs kyi snang bas mi btang ba'i/ /sngon med ngo mtshar 'bar ba'i mdzad bzang gi /'phrul gyi sgo chen phyes 'di a la la/ /zhes tshigs su bcad pa'i dbyangs kyis bsnyad nas/ gzhan yang rje bla ma