[A:314]'di lta bu ni mtho gtam mtho bshad kho nar mdzad pa brgya las dga' ba'i nyams dang dgongs pa can gyi gsung du nges par rnyed/ rang shes rang gces che ba'i rna lam du ma song ba'i skad 'dug pa ni rnam par dag na rin 'byung du 'char rgyu yin 'dug go /man ngag gi khrid rkyang pas chog par mi mdzad pa/ rje birWa pa'i gzhung rdo rje'i tshig rkang la 'grel bshad rgyas pa sras don ma/ zab gnyag ma/ de dag gi don 'grel man ngag gter mdzod rnams kyi ljags khrid tshar re stsal nas lan gsum bzlas te lam gyi gnad de dag gzhung 'di dang 'dis bstan pa yin ces gsungs/ gzhung bshad rkyang pas chog par mi mdzad pa rgyud kyi rgyal po brtag pa gnyis pa'i man ngag gi 'grel pa dag ldan/ rgya cher 'grel pa nyi ma'i 'od zer/ don bsdus tshig 'grel dang bcas pas tshar gsum bzlas te gzhung gdams de dag thams cad kyang rgyud don zab mo 'di dang 'di la thug pa yin no gsungs/ de ltar rgyud gzhung man ngag dang bcas pa de dag thams cad rtogs ge'i blo yi bcos te sbyar ba ma yin pa dkyil 'khor gyi gtso bos dngos su byin gyis brlabs shing rjes su gnang ba'i grub chen birWa pa nas bzung ste snyan brgyud bzhi dang tshad ma bzhi ldan du bar ma chad pa bla ma brgyud pa 'di dang 'di dag las tshul 'di dang 'di lta bus byon nas kho bo cag la bka' drin thob pa yin ces gsungs pa'i mod la/ nyams myong tshad ma rgyud gzhung dang mthun par skyes nas bla ma brgyud pa dang