[A:322]zhib tu gnang ngo zhes thugs gtad che ba'i nye bar gnas pa dag la zhal 'phros gnang / rje de nyid kyi bstan bcos byang chub sems dpa'i spyod pa la 'jug pa'i 'grel chen par du brko ba'i cha rkyen rgyu rdzas kyi dngos po dang gsung ris bcas skye dgu don grub gling nas sde dge'i phyogs su bskur gnang mdzad skabs/ kho bo cag la zur yig tu/ da lan bla ma rin po che'i spyod 'jug 'grel chen par du brko rgyu 'di gsung rten bzhengs pa'i tha ma yin pas/ de mthar dbyung ba'i thabs tshul la brtson dgos/ khyod rang la las su bya ba thams cad bcol ba yin no/ /sa ma ya/ rgya rgya rgya/ zhes pa phyag bris dngos shig gnang 'dug pa 'di 'dra gsung srol med pas ci zhig yin nam snyam pa byung / spyir bla ma yi dam sangs rgyas byang sems kyi sku brnyan mchod sdong mang po bzhengs nas chos sde rnams la gtan 'jog byas pa ni smos kyis mi lang ba dang / ris su bris pa dang / tshe dbag med stong sku/ mi 'khrugs pa stong sku/ rdor sems stong sku/ 'od dpag med stong sku bcas la ras gzhi dngos su 'god pa dang / la la gyang logs la 'dri ba'i mthun rkyen stsal bar mdzad/ phyis su thams cad rig pa lha so bdun gyi sku brnyan gser zangs las grub pa bzhengs te khong la ltos par bcas pa thams cad dang / 'brel pa mchis so cog gi skye 'gro ma lus pa las ngan gyi rgyun chad/ lus ngan gyi rten dang bral ba'i bsngo smon kun tu bzang po'i rtsi sbyor gyis rgyas 'debs par mdzad/ rje btsun byams pa mgon po'i sku brnyan gser zangs las grub pa thog tshad