[A:323]ma phra rgyan rin po che spus legs du mas spras pa bzhengs te ngor e waM chos ldan gyi gtsug lag khang gi sbug tu bzhugs su gsol nas/ 'di ni rgyal bstan spyi dang bye brag gi phun tshogs rgyas pa'i rten 'brel gyi gnad shin tu che ba zhig yod do/ /nga'i sku rten bzhengs pa rnams kyi rjes ma ni 'di'o gsung ngo / /gdan sa gong 'og gnyis lha gdan jo shag rnams gsum la lo re re bzhin tu mchod 'bul gyi dngos po gtos che ba re bskur gnang mdzad/ snang gsal mar me'i mchod pa 'bum phrag gnyis tsam dus gcig tu phul ba dang / gzhan yang dus bzang so sor grangs mang phul ba dang / dus rgyun du grangs mang phul ba dang / rgyud sde rin po che lan lnga dang / sgrub thabs rin po che lan bzhi dang / gsang chen slob bshad lan bzhi'i tshe rgya che grangs mang phul ba bcas la 'bum phrag mang po brgal ba de dag thams cad sangs rgyas kyi bstan pa dar ba'i rgyu tshogs su yongs su bsngo ba 'ba' zhig mdzad/ gshin rdzas dad rdzas kyi dngos po che phra thams cad gang byung 'phral dag gi tshul du chos sde rnams la chos yon sbyor ba dang / chos gzhi gsar 'dzug gi rten du gnang ba rgyun 'jags su mdzad/ mdor na don yod rnam pa bzhi'i sgo nas bla ma rgyal ba sras dang bcas pa thams cad dgyes pa'i mchod sprin mchog gi rol mos chos kyi dbyings ma lus pa rgyas par 'gengs par mdzad pa ni/ chos sde re re rdzogs pa dang / mchod tshogs lan rer spel ba'i skabs su'ang de ltar gzhan la 'doms pa dang / sku nyid kyis bden smon mandA ra ba'i char