[A:324]chen po bsnyil ba 'dis rtogs so/ /de ltar thub bstan yongs su rdzogs pa mtha' dag gi dag byed rnyog pa med par thos bsam sgom gsum gyi bum bzang gcig tu bskyil nas mkhyen brtse nus gsum gyi gsang sngags zab mos rgyun mi chad par byin gyis brlabs te/ 'chad rtsod rtsom gsum gyis rgya chen por spel zhing / ris su ma chad pa gdul bya ma lus pa'i spyi bo nas dbang bskur bas/ phyogs su ma lhung ba'i lam bzang ma nor ba kun la rang rang gi khams dbang bsam pa'i ngos skal dang 'tshams par 'jug pa dang ma 'khrul pa'i sgo rnyed par mdzad pa'i sku drin nor bu'i phung po lag ldan 'bum gyis mi theg pa lta bu 'di la nag po'i chos bzhis rgyud ma bslad pa dag gis nyin mtshan dus drug tu rjes su dran par rigs so/ /e ma ring nas brnag pa'i bstan 'gro'i don/ /phun tshogs bzhed rgu 'jo ba'i rol rtsed mkhan/ /dus 'dir rnyigs ma'i rgud pa sel ba'i gnyen/ /rnam 'dren yongs kyi rtsal las byon nam snyam/ /dpal ldan bla ma ma la ya yi rir/ rdo rje 'dzin pa ha ri'i nags tshal rgyas/ /rdo rje theg pa'i dri zhon kun tu khyab/ /srid zhi'i gdung ba kun sel sman gcig pu/ /dngos kun bde ba che la dal gyis sbyor/ /rdo rje'i lang tsho gsar pa'i 'jo sgeg ngom/ /rdo rje chos kyi sgyu rtsal sna tshogs rtse/ /lhar bcas kun dga'i mdza' bshes 'gran zla med/ /bstan la gnod pa char ltar babs na yang / /'dzin skyong spel ba'i phrin las nyi bzhin rgyas/ /'dis ni gnas brtan chen po yan lag 'byung / /yin la yin pa'i nges pa cis mi