[A:325]skye/ /dbang gdams sna rer bdag gir spyod pa la/ /dkar min bgegs kyis bar skabs tshol srid na/ /yid skyob theg mchog rgya mtshor longs spyod par/ /rang dbang che 'dis gsang bdag dngos su rtogs/ /glo bur 'khrul pa'i zlos gar ci tsam sgyur/ /rang bzhin dag pa'i rang gzugs de tsam ston/ /sangs rgyas thams cad dgyes pa'i rol mo mkhan/ /sems can kun yid dga' ba'i dga' ston pa/ /bskal bzang 'dren pa stong gi rjes 'brang ba'i/ /gzhom med lag cha 'dzin pa'i lha de dang / /tha dad med na dman la brtse che bas/ /nam zhig phyir bzhin byon snyam yang blta shor/ /dge legs yon tan padma'i dga' tshal na/ /dad blo sor mo'i gar stabs rtses pa las/ /ji tsam rnyed pa'i bsngags brjod ma li ka /thod du spa ba'i skal bzang nyams re dga'/ /zhes tshigs su bcad pa'i dbyangs kyis bsnyad nas/ /gzhan yang rje btsun 'gro ba'i mgon po skye 'chi la rang dbang thob cing lkog gyur sgrib med du gzigs pa 'di ni/ shing stag gnam lo gsar tshes rje nyid bgrang gzhi zla ba'i phung po bcu phrag drug dang nyag ma brgyad kyi rtse la son pa na/ snag dbon du gyur cing phyag bde pa lo grangs mang du byas pa blo gsal tshe'i 'du byed rdzogs nas/ dge tshogs rlabs po che phal pa'i blos mi khyab par bsgrubs kyang / sngon nas bsags pa'i nyes ltung spyi dang khyad par tshe 'di la tshul khrims 'chal ba dang phyag rdzas bag med du spyod pa dang bla slob thugs dkrugs bgyis pa sogs kyis yin nam/ rje nyid kyi gzigs