[A:244]rnams kyis mchod pa'i slad du gdugs dang / rgyal mtshan dang / bkra shis pa'i rdzas dang yo byad grangs med pa'i rnam pa can gyi chu 'dzin sna tshogs bkod de/ dge mtshan mngon du gsal bar byas so/ /gang gi tshe yum la glo bur gyi zug rngu drag pos ma mnar ba bde ba dang ldan bzhin pa'i ngang la btsas pa ni ji ltar lha mo sgyu 'phrul ma'i sku'i sdong bu las sgron me bzhi pa'i me tog rgyas pa dang chos mtshungs so/ /de ltar btsas pa'i khye'u chung de'ang bzhin gyi mdangs ni zla ba ltar gsal zhing / skyes bu chen po'i mtshan gyis sgeg pas kun gyis mthong na dga' ba dang bde ba'i nyams bskyed pa zhig yod do ces grags/ bgrang gzhi gsum pa nas byis pa'i spyod pa las 'das shing / mchog la gus pa dang / dman la byams pa dang / tshig gsal la drang por brjod pa dang / rgyud 'jam la khro ba med pa dang / dbul phongs gzigs na phyag tu ci yod pa ster ba dang / ngur smrig 'dzin pa dang rten gsum gzigs na 'bru dang 'bras bu dang chu dang me tog dang bza' bca'i dngos po rnams kyis mchod tshul mdzad pa dang / gzhan yang dbang bskur ba dang / rab tu gnas pa dang / chos 'chad pa'i tshul yang yang mdzad pa ste dam pa'i mtshan rtags ma sbas gsal bar stan pa la/ 'brel pa yod med thams cad kyis bkur sti rim gro byed cing / yab kyis tshe ring phan thogs mtshan gsol zhing / khu bo yongs 'dzin paNDi tas/ tsha bo 'dis ni bstan pa la phan thogs pa zhig 'ong ngo gsungs so/ /bgrang gzhi lnga