[A:11]chen po'i shing thog bil ba bzang po zhig phyag tu bsnams/ bil ba rgyu rkyen 'bras bur ldan pa'i sogs kyis bkra shis mdzad pa byung / de nas e waM gyi gdan sar phebs te/ shis brjod dang mthun pa'i don mngon du gyur/ ngor dang mnga' ris sogs su snga phyir lam 'bras tshar bcu bdun rgyud bshad nyi shu rtsa lnga sogs chos kyi 'khor lo bsam gyis mi khyab pa dang / zang zing gi dpal 'byor rgyas pa sogs lugs gnyis kyi dpal 'byor bsam gyis mi khyab/ mnga' ris glo bor lan gnyis phebs pa'i rjes ma byams pa gling du sa ga zla ba'i nyer gcig la sku gshegs/ sku gdung bzhugs pa'i mchod khang la pu tra sku gnyer gyi tshul du byung bar grags/ gdung rnams e waM du gdan drangs te gdung tsha dpag med dang / rje'i gzims mal sku 'dra gser sku dang phyi rten sogs dgongs rdzogs rgya chen po bsgrubs so/ /bla ma 'di rnal 'byor dbang phyug gi sprul par grags shing / rang gi spyi bo'am snying gar bsgoms pas bir srung tshar re dang byin rlabs mnyam gsungs so/ /rgyas par rwa ston yon tan dpal bzang / chos rje glo bo mkhan chen/ sa skya pa sngags 'chang ngag dbang kun dga' bsod nams kyis mdzad pa'i rnam thar gyi yi ger shes par bya'o// //mkhas grub dpal ldan rdo rje ni/ sa skyar yab dpal 'byor bzang po dang / yum skyed pa dpal gyi sras su lcags yos lor 'khrungs/ sa bzang 'phags pa la tshe dbang zhus/ bla ma nyid kyi skya ming rdo rje sra brtan zer gsungs nas der btags/ lung bstan mdzad/ dgung lo brgyad pa la theg chen chos rje las rab tu byung / mtshan dpal ldan rdo rjer btags/ shAka bzang du rdo rje 'chang las rdo rje phreng ba nas brtsams gdams ngag thams cad bum pa gang 'byo'i tshul du gsan/ bco lnga par sa skyar grwa skor mdzad/ bzang ldan dge 'phel gyi 'chad nyan kyang mdzad dgos byung kyang chen po la mi mnyes pas lo