[A:12]gcig las ma mdzad/ rje 'di dgung lo bcu dgu dang rje rdo rje 'chang zhe bdun pa zhi ba sa bya la e waM du phebs/ rje rgyal mchog pa la tshad ma sogs mang du gsan/ chos rje gzhon nu seng ge la gsang 'dus/ bde mchog sgrub thabs rgya mtsho sogs gsan/ nyi lde ba gu shrI pa chen po la theg chen nas brgyud pa dang / bla ma nam mkha' dpal bzang nas brgyud pa'i lam 'bras sogs gsan/ ngor du rgyal rtse ba'i bdag mo srad kha dpe ma dgon 'dabs su rab byung ma zhus pa'i rab ston gyi sar rje 'dis snar thang pa'i bka' bcu pa lhun grub bya ba rigs pas bcom pas/ rje rdo rje 'chang gis thugs rtsis shin tu che zhing mkhas grags thams cad du khyab par mdzad do/ /de ltar rje'i chag phyir byed skabs bsnyen rdzogs kyang mdzad do/ /rje mus pa dang / kha char ba dang / chos rje sher rgyam la sogs la'ang chos mang du gsan/ rje ngor pa gshegs dus shAka bzang bla brang gi gdan sa 'di la gnang nas/ ngor dang sa skya re mos su bshad sgrub kyi thugs dam mdzad/ nyin re chag med kyi rim pa sum cu rtsa gnyis tsam re yod/ spyan ras gzigs mig gi gzungs la'ang thugs dam mdzad de/ de ltar thugs dam zab mo rnams kyi thun bar la rgyud sde bzhi dang 'brel ba'i dbang bka'/ rgyud rgya gzhung mang po'i bshad pa/ khrid byin rlabs/ lung man ngag /sgra dang snyan ngag gi lag khrid sogs chos kyi sbyin pa dang / zang zing mi 'jigs byams pa ste/ sbyin pa rnam bzhi sogs la rtag 'grus mdzad/ la la na re dbang bskur tshe'i sag dar yin zer ba mun sprul yin/ de 'dra gang nas kyang bshad pa med/ gangs ri'i khrod nas sa bzang 'phags pa las dbang bskur mdzad pa mang ba med de dgung lo brgyad cu gya grangs bzhugs pa yin/ nged rang yang bdun cu don bgrangs sdod pa'i rtsis yin gsungs mdor na chos de