[A:15]'phel ba ni/ yab rdo rje 'chang kun dga' bzang po'i rus dbon/ dbon ne bkra shis legs pa dang / yum bu 'dren skyid kyi sras su shing mo glang la sa skya'i gu rar 'khrungs/ dgung lo bdun par rdo rje 'chang dang mjal/ dge bsnyen zhus te a rin 'phel du btags/ tshe dpag med kyi dbang sogs gsan/ lung bstan gnang / sku na chung ngu nas ngor du byon te/ khu bo chos rje kun dga' dbang phyug pa'i zhabs pad brten rje sems dpa' chen po dang / 'jam dbyangs sher rgyam sogs mkhan slob las rab tu byung / mtshan gsol dus 'phel la bcas bcos mi byed/ dkon mchog lhag par thogs gsung byi lo dgung lo so drug par mkhan po mkhas grub dpal ldan rdo rje/ las slob kun mkhyen bsod nams seng ge /gsang ston slob dpon bsod nams dbang phyug /dus bsgo ba sangs rgyas dpal grub sogs las bsnyen par rdzogs/ bla ma de rnams las gsan pa rgya mtsho'i mthar son/ bsam pa dang bsgom pa mthar phyin chos rje kun dga' dbang phyug pa'i chag phyir glo bor byon nas rta lor rdo rje 'chang gi bzhugs khrir mnga' gsol te lo nyer brgyad phrin las bskyangs/ rje kun dga' dbang phyug sogs kyis sa skya pa'i bstan pa dkar 'byams su gtang ba'i lung bstan yod pa ltar bstan pa la dar rgyas shin tu che bar byung / bya lo hor zla dang po'i tshes bcu bzhi la mus chen sangs rgyas rin chen ngor gyi gdan sar bskos/ rje nyid thar rtser sku mtshams la bzhugs/ khyi lo hor zla dang po'i tshes bcu gcig la thar rtser sku gshegs/ bde ba can du byon pa'i gtan tshigs nges pa can du ma yod dgongs rdzogs kyang khyad par grub/ pur bzhu sogs gdan sa pas mdzad/ rgyas par sangs rgyas rin chen dang / rje dkon mchog lhun grub kyis mdzad pa'i rnam thar du blta'o// //rje mus pa sangs rgyas rin chen ni/